ەلوردا • 24 مامىر، 2022

نۇر-سۇلتاندا مىڭداعان ءۇي گازعا قوسىلادى

18 رەت كورسەتىلدى

قر ەنەرگەتيكا ءمينيسترى بولات اقشولاقوۆ نۇر-سۇلتان قالاسى مەن قاراعاندى وبلىسىن گازبەن قامتۋ جۇمىستارى جونىندە ايتتى، دەپ حابارلايدى Egemen.kz.

«وزدەرىڭىز بىلەتىندەي، «سارىارقا» ماگيسترالدى گاز قۇبىرىنىڭ I كەزەڭىنىڭ قۇرىلىسى 2019 جىلى اياقتالدى. قازىر نۇر-سۇلتان قالاسى مەن قاراعاندى وبلىسىنىڭ اكىمدىكتەرى گاز تاراتۋ جەلىلەرىن جۇرگىزىپ جاتىر»، دەدى بولات اقشولاقوۆ بۇگىن وتكەن ۇكىمەت وتىرىسىندا.

نۇر-سۇلتان قالاسى بويىنشا ءبىرىنشى جانە ەكىنشى كەزەكتىڭ ەكى ىسكە قوسۋ كەشەنىنىڭ قۇرىلىسى اياقتالىپ، «كوكتال-1،2»، «اگروگورودوك»، «جەلەزنودوروجنىي»، «پرومىشلەننىي»، «كۇيگەنجار»، «ميچۋرينو»، «ينتەرناتسيونالنىي» ت/ا، وڭتۇستىك-شىعىس وڭ جانە سول جاعىندا، پوتانين كوشەسى اۋدانىنداعى قالانىڭ ەسكى بولىگىنە گاز بەرىلگەن.

ناتيجەسىندە 14 مىڭنان استام ابونەنت نەمەسە 191 مىڭنان استام ادام تابيعي گازعا قول جەتكىزدى.

«بيىل رەسپۋبليكالىق بيۋدجەتتەن شامامەن 92 مىڭ ادام تۇراتىن تەلمان، پريگورودنىي، فەميلي ۆيللادج، گاردەن ۆيللادج، يلينكا، قاراوتكەل، شۇبار، ءوندىرىس، كيرپيچنىي تۇرعىن الاپتارىنا جەتكىزۋ جەلىلەرىن سالۋدى كوزدەيتىن 2،3-كەزەكتىڭ قۇرىلىسىنا 23 ملرد تەڭگە قارجى ءبولىندى. سونىمەن قاتار نۇر-سۇلتان اكىمدىگى گاز تاراتۋ جەلىلەرىن سالۋ جوباسىن قاتار ازىرلەپ جاتىر»، دەدى اقشولاقوۆ.

قاراعاندى وبلىسىن گازداندىرۋ بويىنشا قاراعاندى وبلىسىنىڭ اكىمدىگى قاراعاندى، جەزقازعان، تەمىرتاۋ قالالارىنىڭ ءبىرىنشى ىسكە قوسۋ كەشەنىن اياقتادى.

ناتيجەسىندە شامامەن 2،7 مىڭ ابونەنت نەمەسە 8،1 مىڭ ادام تابيعي گازعا قول جەتكىزدى.

سونداي-اق اكىمدىك شەت، بۇقار جىراۋ اۋداندارى مەن جايرەم كەنتىن گازداندىرۋ جوباسىن دايىنداپ جاتىر.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار