«الماتى وبلىسىندا سۋ رەسۋرستارىنىڭ تاپشىلىعىن قىسقارتۋ ماقساتىندا وبلىس اكىمدىگى ىلعال سىيىمدى داقىلداردىڭ, ونىڭ ىشىندە بالقاش اۋدانىندا كۇرىشتىڭ ەگىستىگىن 1 مىڭ گەكتارعا ازايتتى. وبلىستىڭ بارلىق سۋ قويمالارى ۆەگەتاتسيالىق كەزەڭگە بەكىتىلگەن كەستەگە سايكەس جۇمىس ىستەيدى. جامبىل وبلىسىندا دا, بۇرىن ايتىلعانداي, مەملەكەتارالىق پايدالانۋ وبەكتىلەرىنە سۋ بەرۋ كەستەلەرى بەكىتىلدى. سونداي-اق قازىرگى ۋاقىتتا وبلىس اۋماعىندا سۋارۋ جەلىلەرىن رەكونسترۋكتسيالاۋ باعىتىندا اۋقىمدى جۇمىستار جۇرگىزىلىپ جاتقانىن اتاپ ءوتۋ قاجەت. سۋارمالى سۋ بەرۋ اينالما كانالدار ارقىلى جۇزەگە اسىرىلۋدا», دەدى مينيستر.
ونىڭ ايتۋىنشا, تۇركىستان وبلىسىندا بيىل كۇرىش القابى 600 گەكتارعا دەيىن قىسقارتىلعان.
«قىزىلوردا وبلىسىندا كۇرىش القابى 78,3 مىڭ گەكتارعا دەيىن تومەندەدى. بۇل وتكەن جىلمەن سالىستىرعاندا, 5 مىڭ گەكتارعا از. سونداي-اق ۇكىمەت رەزەرۆىنەن ۇڭعىمالاردى جوندەۋ مەن بۇرعىلاۋعا, سورعى قوندىرعىلارىن ساتىپ الۋعا 3,6 ملرد تەڭگە سوماسىندا قاراجات ءبولىندى», دەدى سەرىكقالي برەكەشەۆ.
