«شاردارا سۋ قويماسىنا ۆەگەتاتسيا كەزەڭىندەگى اعىن 3,9 ملرد تەكشە مەتردى قۇراۋعا ءتيىس. بۇل ۆەگەتاتسيا كەزەڭىن شىعىنسىز وتۋگە مۇمكىندىك بەرەدى. شۋ جانە تالاس وزەندەرىنىڭ باسسەينىن سۋمەن قامتاماسىز ەتۋ بويىنشا جاعداي تۇراقتى. شۋ-تالاس سۋ شارۋشىلىعى كوميسسياسىنىڭ ححح وتىرىسىندا مەملەكەتارالىق كانالدار بويىنشا تالاس وزەنىنىڭ باسسەينى ارقىلى 500 ملن, شۋ وزەنىنىڭ باسسەينى ارقىلى 220 ملن تەكشە مەتر سۋ بەرۋ كەستەسىنە قول قويىلدى. سونداي-اق گيدرولوگيالىق بولجامداردىڭ نەگىزىندە سىرداريا ترانسشەكارالىق وزەنىنىڭ باسسەينىندە كۇردەلى سۋ شارۋاشىلىعى جاعدايى تۇزىلگەن. بىراق قابىلدانعان ءىس-شارالار جانە قولايلى كليماتتىق جاعدايدىڭ ارقاسىندا احۋال تۇراقتاندى. وسىلايشا شاردارا سۋ قويماسىنا كەلەتىن سۋ كولەمى 2,5 ەسە ۇلعايدى», دەدى مينيستر ۇكىمەت وتىرىسىندا.
ونىڭ ايتۋىنشا, بۇل شاردارا سۋ قويماسىنىڭ 5 ملرد تەكشە مەترگە دەيىن تولتىرۋعا جانە وسى كەزدە كوكساراي قارىمتا رەتتەگىشىنە 822 ملن تەكشە مەترگە دەيىن سۋ جيناۋعا مۇمكىندىك بەرگەن.
«اتالعان كەزەڭدە شاردارا سۋ قويماسىنا شامامەن 1,5 ملرد تەكشە مەتر سۋ كەلىپ ءتۇستى. وسىلايشا ۆەگەتاتسيا باستالار الدىندا سىرداريا وزەنىنىڭ ارناسىن تولتىرۋ, سۋارمالى القاپتاردى ىلعالداندىرۋ, كول جۇيەلەرى مەن شابىندىق جەرلەردى سۋلاندىرۋ جۇزەگە استى», دەدى سەرىكقالي برەكەشەۆ.
