ەركىن وي مەن اشىق پىكىر الماسۋ الاڭىندا ەرىكتى جاستار رەفەرەندۋمدى قولدايتىندارىن ايتىپ, 5 ماۋسىم كۇنى بارلىعى بىرىگىپ ساياسي وزگەرىسكە ءوز ۇلەستەرىن قوساتىنىن جەتكىزدى.
پىكىرتالاس الاڭىندا Birgemiz رەسپۋبليكالىق ۆولونتەرلەر فرونت-كەڭسەسىنىڭ باس ۇيلەستىرۋشىسى ايبەك دوسىمبەتوۆ, Amanat پارتياسى قوعامدىق ساياسي ينستيتۋتى ديرەكتورىنىڭ ورىنباسارى, رەسپۋبليكالىق «جاس ۇلان» بالالار مەن جاسوسپىرىمدەر ۇيىمىنىڭ جەتەكشىسى دينارا سادۋاقاسوۆا, «ۇلان-عايىر دالا ەلى» قوعامدىق بىرلەستىگىنىڭ جەتەكشىسى ءۋاليحان باحرەتدينوۆ, «قازاقستان جاستار كونگرەسى» قاۋىمداستىعى نىسانىنداعى زتب اتقارۋشى ديرەكتورى توقتار بولىسوۆ, وبلىستىق جانە قالالىق ءماسليحاتتاردىڭ جاس دەپۋتاتتارى, ۆولونتەرلەردىڭ ايماقتىق فرونت-كەڭسەلەرىنىڭ جەتەكشىلەرى, ۆولونتەرلىك ۇيىمدار, باستاماشىل توپتار مەن ەرىكتىلەر ءوزارا ءسوز جارىستىردى. تالقىلاۋ بارىسىندا قاتىسۋشىلار كونستيتۋتسيالىق رەفورما جانە رەفەرەندۋم وتكىزۋ, رەفەرەندۋمعا شاقىرۋ جۇمىستارى تۋرالى ويلارىمەن ءبولىستى.
ۆولونتەرلىك قوزعالىستى دامىتۋ جاڭا قازاقستاندى جۇزەگە اسىرۋ جولىندا ماڭىزدى ءرول اتقارادى. ۆولونتەرلەر – ازاماتتىق قوعامنىڭ بەلسەندى بولىگى رەتىندە مەملەكەتتىڭ قوعامدىق-ساياسي جۇيەسىندەگى وزەكتى وزگەرىستەردى تىزبەكتەدى. باسقوسۋ بارىسىندا ا.دوسىمبەتوۆ رەسپۋبليكا كولەمىندە ۆولونتەرلەر وتكىزىپ جاتقان ۇگىت-ناسيحات جۇمىستارىنا توقتالدى. اقپاراتتاندىرۋعا 400-دەن استام ۆولونتەرلىك ۇيىم مۇشەلەرى مەن بەلسەندى ەرىكتىلەرى قاتىسىپ وتىرعانىن اتاپ ءوتتى. سونىمەن قاتار د.سادۋاقاسوۆا: «مەن بارلىق ۆولونتەردى رەفەرەندۋمعا قاتىسۋعا, حالىق اراسىندا كەڭىنەن ناسيحاتتاۋعا شاقىرامىن. ويتكەنى بۇل – ءبىزدىڭ ازاماتتىق ۇستانىمىمىز. ءبىز رەفەرەندۋمدى ساياسي پروتسەستى ودان ءارى جاڭعىرتۋعا اكەلەتىن قادامداردىڭ ءبىرى ەكەنىن تۇسىنۋگە ءتيىسپىز», دەپ قولداۋ ءبىلدىردى. «قازاقستاننان باسقا وتانىمىز جوق, بارلىعىمىزدىڭ باعىتىمىز ءبىر. سول سەبەپتى الداعى ۋاقىتتا رەفەرەندۋمعا ءبىز دە ءوز تاراپىمىزدان بارىنشا ەلدى اقپاراتتاندىرىپ, جاستارمەن جانە ۆولونتەرلەرمەن بىرگە جۇمىس ىستەپ كەلەمىز. ءاربىر ادام ءوز تاڭداۋىن ەركىن تۇردە جاساۋى كەرەك. پرەزيدەنت قاسىم-جومارت توقاەۆ جاستارعا ۇلكەن سەنىم ارتىپ وتىر», دەپ ەرىكتى جاستاردى بەلسەندى بولۋعا شاقىردى داۋرەن راحىمبەك.
Birgemiz رەسپۋبليكالىق ۆولونتەرلەر فرونت-كەڭسەسى قوعامدىق باستاماعا قوسىلىپ, رەفەرەندۋمدى قوعامدىق قولداۋ جونىندەگى رەسپۋبليكالىق شتاب قۇرامىنا كىردى. وبلىستارداعى ۆولونتەرلەرمەن جۇمىستى وبلىستىق شتابپەن بىرلەسىپ, ۆولونتەرلەردىڭ وڭىرلىك فرونت-كەڭسەلەرىنىڭ باسشىلارى مەن ماماندارى جۇرگىزۋدە.
