كەزدەسۋدە اتا زاڭىمىزعا ەنگىزىلەتىن وزگەرىستەر مەن تولىقتىرۋلار جانە 5 ماۋسىمدا وتەتىن رەسپۋبليكالىق رەفەرەندۋمنىڭ ماڭىزى تۋرالى مازمۇندى ءسوز قوزعالدى.
«1993 جىلى پرەزيدەنت اكىمشىلىگىندە قىزمەت ىستەدىم. وعان دەيىن ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىندە وقىتۋشى, دەكان ورىنباسارى بولدىم. العاشقى قابىلدانعان اتا زاڭىمىزدىڭ جۇمىس توبىنا اتالعان جوعارى وقۋ ورنى زاڭ فاكۋلتەتىنىڭ وقىتۋشى-عالىمدارى كوبىرەك تارتىلىپ, الدىمەن ءبىز كوپشىلىككە, اتقارۋشى بيلىك ورگاندارىنا سول جىلدارى ەندى عانا قولعا الىنعان نارىقتىق قاتىناس ەكونوميكاسى, جەكەشەلەندىرۋ رەفورماسى, رەفەرەندۋم تۋرالى ءتۇسىندىرۋ جۇمىستارىن جۇرگىزدىك», دەپ تاريحقا ءسال شەگىنىس جاساپ باستادى ءسوزىن پروفەسسور تولەش ەردەن ۇلى. سونداي-اق ول تۇڭعىش كونستيتۋتسيانىڭ ەرەكشەلىكتەرىنە توقتالىپ, وندا پارلامەنتتىك بيلىكتىڭ باسىم بولعاندىعىن ايتتى.
«العاشقى كونستيتۋتسيا قيىن كەزەڭدە قابىلدانسا دا, كەيبىر مامانداردىڭ پىكىرىنشە, وندا بيلىك تارماقتارىنىڭ تەپە-تەڭدىگى ساقتالدى. سول كونستيتۋتسيانىڭ جاقسى جاقتارىن ءالى دە پايدالانۋعا بولادى دەپ سانايمىن. ودان بەرى دە ءبىراز ۋاقىت ءوتتى. بىراق مەملەكەتتىڭ دامۋىندا, ساياساتتا شالت قيمىل جاساۋعا بولمايدى. تاۋەلسىزدىك دەگەن ەڭ اسىل قۇندىلىعىمىزدى باعالاي ءبىلۋىمىز كەرەك. سوندىقتان ءبىر قادامنان ءبىر قادام العا جۇرسەك, ۇتارىمىز كوپ. مەملەكەت باسشىسى ق.توقاەۆ ءوز سوزىندە سۋپەرپرەزيدەنتتىكتەن پرەزيدەنتتىككە كوشەمىز دەدى. سۋپەرپرەزيدەنتتىك – ءبىر ادامنىڭ قولىنداعى بيلىك دەگەن ءسوز. نەگىزى ولاي بولماۋى كەرەك. بيلىك بىرەۋ, سونىڭ اتقارۋشى بيلىك, زاڭ شىعارۋ جانە سوت جۇيەسى دەگەن ءۇش تارماعى بار. وسى ۇشەۋىندە سايكەستىك بولۋى قاجەت. قازىر پرەزيدەنت اتا زاڭىمىزداعى قۇزىرەتتىلىگىن پارلامەنتپەن ءبولىسىپ جاتىر. سونداي-اق اۋىل, اۋدان, قالا اكىمدەرىن حالىق ءوزى سايلاماق. تاعى دا باسقا جاعىمدى جاڭالىقتار كوپ. بۇل – دۇرىس پروتسەسس. كونستيتۋتسياعا ەنگىزىلەتىن وزگەرىستەر – ەلدەگى رەفورمالاردىڭ باستاۋى. رەفەرەندۋم – دەموكراتيانىڭ جوعارى ساتىسى. ول حالىق پەن بيلىكتىڭ ناقتى سويلەسۋى», دەدى بەلگىلى عالىم.
ال پارلامەنت سەناتىنىڭ دەپۋتاتى دانا نۇرجىگىت اتا زاڭىمىزعا ەنگىزىلەتىن وزگەرىستەر مەن تولىقتىرۋلاردى ء«بىر اۋلەتتەگى ۇلكەن اتامىز بالالارىنا ەنشىسىن بەرىپ, قۇزىرەتىن ءبولىپ بەرگەنىمەن بىردەي» دەگەن قازاقى وبرازبەن بەينەلەدى.
«سۋپەرپرەزيدەنتتىكتەن پرەزيدەنتتىككە كوشۋ مەملەكەت باسشىسى قاسىم-جومارت توقاەۆتىڭ سايلاۋالدى تۇجىرىمداماسىندا بار دۇنيە. پرەزيدەنتىمىز سول ايتىلعان رەفورمالاردى كەزەڭ-كەزەڭىمەن ىسكە اسىرۋدا. ەندى پارلامەنتتىڭ ىقپالدىلىعى ارتىپ, پارتيالار سانى كوبەيەدى. مەملەكەت باسشىسى بۇعان دەيىن اmاnاt پارتياسىنىڭ توراعاسى بولدى, ەندى پرەزيدەنت ەشقانداي پارتياعا مۇشە بولمايدى. دەربەس, سىرتتان عانا باقىلايدى. تاعى ءبىر جاڭالىق, حالىق قالاعان كانديدات پارلامەنتكە پارتيالىق تىزىممەن نەمەسە ءبىر كانديداتقا داۋىس بەرۋ ارقىلى سايلانا الادى. ەگەر پارلامەنتتەگى دەپۋتاتتىڭ جۇمىسى ەلدىڭ كوڭىلىنەن شىقپاسا, ونىڭ مانداتىن سايلاۋشىلار قايتارىپ الۋعا قۇقىعى بار. ۇكىمەت تە ىستەگەن جۇمىستارىنا حالىق الدىندا ەسەبىن بەرەدى. ەندى حالىق ۇكىمەتكە دە, زاڭ شىعارىپ وتىرعان دەپۋتاتتارعا دا تالابىن قويادى. قىسقاسى, ادامنىڭ قۇقىعى مەن تالابى ءبىرىنشى ورىندا تۇرادى. كونستيتۋتسيالىق سوتقا كەز كەلگەن ازامات ءوتىنىش ءبىلدىرىپ, سونىڭ كومەگىنە جۇگىنەدى. سوندىقتان بارلىعىمىز ەلىمىزدىڭ جارقىن بولاشاعى ءۇشىن جاۋاپكەرشىلىكپەن رەفەرەندۋمعا قاتىسىپ, داۋىس بەرەيىك», دەدى سەنات دەپۋتاتى.
كەزدەسۋ كەزىندە سپيكەرلەرگە ۋنيۆەرسيتەت وقىتۋشىلارى مەن ستۋدەنتتەر تاقىرىپقا قاتىستى وزدەرىن تولعاندىرعان سۇراقتارىن قويىپ, ەركىن پىكىر الماستى.
