بۇگىنگى كەزدەسۋدىڭ ەكى قۇراما ءۇشىن ماڭىزى زور بولدى. جەڭگەنى الداعى جىلى دا توپ-ديۆيزيوندا ويناۋىنا مۇمكىندىك الادى. جەڭىلگەنى تومەنگى ديۆيزيونعا تۇسەدى.
كەزدەسۋ بارىسىندا قازاقستاندىق حوككەيشىلەردىڭ باسىمدىعى بايقالدى. قازاقستاندىق قۇرامادان كيورتيس ۆالك 11-مينۋتتا ەسەپ اشسا, وعان 14-مينۋتتا يتاليالىق برەندون ماكنەللي ءبىر گولمەن جاۋاپ قايىردى.
ءبىرىنشى كەزەڭنىڭ 15-مينۋتىندا قازاقستاندىق ۆالەري ورەحوۆ ەسەپتى ۇلعايتا ءتۇستى. ەكىنشى كەزەڭنىڭ 24-مينۋتىندا ءاليحان اسەتوۆ ەسەپ ايىرماسىن تاعى ءبىر گولعا ۇلعايتتى. بۇدان كەيىن يتاليالىق ديەگو كوستنەر 25-مينۋتتا گول سوعىپ, كەزدەسۋدىڭ ماڭىزى ارتتىردى. ءۇشىنشى كەزەڭدە رومان ستارچەنكو 43, نيكيتا ميحايليس 46-مينۋتتاردا قازاقستان قۇراماسىنىڭ باسىمدىعىن ارتتىردى.
وسىلايشا قازاقستاندىق حوككەيشىلەر قارسىلاسىنان 5:2 ەسەبىمەن باسىم ءتۇستى. ناتيجەسىندە الداعى جىلى توپ-ديۆيزيوندا قالۋ مۇمكىندىگىن ساقتاپ قالدى. ەكى قۇراما بۇعان دەيىن 8 مارتە كەزدەستى. ونىڭ 5-ءۋى قازاقستاننىڭ جەڭىسىمەن اياقتالسا, قالعانىندا يتاليالىق قۇراما باسىم ءتۇستى.
