بيىل العاش رەت قولعا الىنعان ءىس-شاراعا مەكتەپ وقۋشىلارى, ستۋدەنتتەر مەن قوعام جانە ونەر قايراتكەرلەرى قاتىستى. جيىندا 100-گە جۋىق ادام دينا نۇرپەيىسوۆا مەن وزگە دە تانىمال كومپوزيتورلاردىڭ تۋىندىلارىن ورىنداپ, بار ونەرىن ورتاعا سالدى.
حالىقتىڭ قوشەمەتىنە بولەنىپ, كۇيدى شەبەر تارتقاندارعا ارنايى سىي-سياپاتتار بەرىلدى. ال ۇزدىك ونەرپازعا ۇكىلى دومبىرا مەن «دينا نۇرپەيىسوۆانىڭ 25 كۇيى جازىلعان جيناق» تابىستالدى.
ايتا كەتەيىك, دينا نۇرپەيىسوۆانىڭ ەسكەرتكىشى بىلتىر 3 شىلدەدە «ۇلتتىق دومبىرا كۇنى» قارساڭىندا اشىلعان.
«باعدارلاما بويىنشا دينا نۇرپەيىسوۆانىڭ بىرنەشە كۇيى ورىندالدى. باستى ماقساتىمىز – جاستاردى حالقىمىزدىڭ ءتول ونەرىنە باۋلۋ, وسى ارقىلى ەلىمىزدىڭ پاتريوت جاستارىن تاربيەلەۋ. وسىنداي كۇي جارمەڭكەسىن ءداستۇرلى تۇردە وتكىزىپ تۇرۋدى قولعا الدىق. اي سايىن وسى جەرگە حالىق جينالىپ, كۇي تىڭدايتىن بولسا, ودان ارتىق بىزگە قانداي باقىت كەرەك. كەلىپ, كورەمىن دەگەن جاندار ونەرىمىزدى تەگىن تاماشالاي الادى. ۇلتتىق ونەردى سۇيەتىن قاۋىمعا نيەت-پەيىلىمىز ارقاشان اشىق», دەيدى «كۇي اناسى» رەسپۋبليكالىق قورىنىڭ جەتەكشىسى تولەگەن قۋانىشەۆ.
ءىس-شارا بارىسىندا قوعام جانە ونەر قايراتكەرلەرى دينا نۇرپەيىسوۆانىڭ ەسكەرتكىشىنە گۇل شوقتارىن قويىپ, ماڭايىنا 15 شىرشا اعاشىن وتىرعىزدى.
ايانا توعانبەك
