ء«ىىم حالىقتان زاڭسىز ساقتالعان اتىس قارۋىن, وق-دارىلەر مەن جارىلعىش زاتتاردى ساتىپ الۋ جونىندەگى رەسپۋبليكالىق اكتسيانى جالعاستىرۋدا. قارۋ-جاراقتى ءوز ەركىمەن تاپسىرعانى ءۇشىن جاي-كۇيىنە بايلانىستى قارۋدىڭ ءاربىر بىرلىگى ءۇشىن 10-نان 100-گە دەيىنگى ايلىق ەسەپتىك كورسەتكىش سوماسىندا تولەم كوزدەلەدى. اكتسيا وتكىزىلگەن ايدا پوليتسياعا مىڭنان استام اتىس قارۋى ءوز ەركىمەن تاپسىرىلدى», دەدى قر ءىىم وكىلى شۇعىلا تۇرلىبەك.
ۆەدومستۆونىڭ مالىمەتىنشە, ونىڭ ىشىندە 1 - ويىق اۆتوماتتى, 167 - بىرلىك ويىق ۇزىن ۇڭعىلى, 4 - ويىق قىسقا ۇڭعىلى, 910 - تەگىس ۇڭعىلى, 11 - تراۆماتيكالىق, 5 - جارىلعىش قۇرىلعى جانە ويىق ۇڭعىلى قارۋدىڭ 8 مىڭنان استام پاتروندارى بار.
«قارۋ-جاراق زاتتارىن قابىلداۋ ءاربىر اۋماقتىق پوليتسيا ورگانىندا جۇرگىزىلەدى. جاراقاتتانۋدىڭ الدىن الۋ ماقساتىندا جارىلعىش ماتەريالدارمەن جانە وق-دارىلەرمەن ەشقانداي ارەكەت جاساماۋدى جانە بۇل تۋرالى پوليتسياعا حابارلاۋدى سۇرايمىز», دەدى شۇعىلا تۇرلىبەك.
ءىىم تىركەلمەگەن اتىس قارۋىن, وق-دارىلەردى جانە جارىلعىش زاتتاردى ءوز ەركىمەن تاپسىرعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالدى.
