وبلىستىق ءبىلىم باسقارماسى باسشىسىنىڭ مىندەتىن اتقارۋشى ايناگۇل دۇيسەكەنوۆانىڭ مالىمەتىنشە, 163 مەكتەپ جانىنان لاگەر اشىلادى. بۇعان قوسا 3 دەمالىس لاگەرىندە بالالاردىڭ جازعى دەمالىسى ۇيىمداستىرىلادى.
قازىر اتىراۋ قالاسى ماڭىنداعى تالعايران اۋىلىندا ورنالاسقان ساۋىقتىرۋ ورنىندا جوندەۋ جۇمىستارى ءجۇرىپ جاتىر. جوندەۋ جۇمىستارىن ماۋسىم ايىنا دەيىن تولىعىمەن اياقتاۋ كوزدەلىپ وتىر. ءدال وسىنداي جۇمىستار ماحامبەت پەن يندەر اۋداندارىنداعى لاگەرللەردە دە جۇرگىزىلۋدە.
«وتكەن وقۋ جىلىندا پاندەمياعا بايلانىستى بالالاردىڭ جازعى دەمالىسىن تولىق ۇيىمداستىرا المادىق. سول سەبەپتەن بيىل بالالاردى كوبىرەك قابىلداۋدى جوسپارلاپ وتىرمىز. ارينە, ءبىرىنشى كەزەكتە لاگەرلەرگە از قامتىلعان, كوپبالالى وتباسىلاردىڭ بالالارى جىبەرىلەدى. قازىر ءبىلىم باسقارماسى ءوتىنىش قابىلداۋدى باستادى. اتا-انالاردان ءوتىنىش Egov پورتالى ارقىلى قابىلدانادى. ءتىزىم كەيىنىرەك جاريالانادى», دەيدى وبلىستىق ءبىلىم باسقارماسى باسشىسىنىڭ مىندەتىن اتقارۋشى ايناگۇل دۇيسەكەنوۆا.
ونىڭ ايتۋىنشا, وبلىستا وقۋشىلاردىڭ جازعى دەمالىسى مەكتەپتەردە دە ۇيىمداستىرىلادى. مەكتەپتەر ماۋسىم ايىنىڭ باسىندا وقۋشىلاردىڭ العاشقى لەگىن قابىلدايدى. ءار لاگەرگە كەمىندە 50 بالانى قابىلداۋ جوسپارلانعان.
