ايماقتار • 22 مامىر، 2022

شقو-دا ەگىس القابى 14،6 مىڭ گەكتارعا ارتتى

22 رەت كورسەتىلدى

شىعىس قازاقستان وبلىسىندا بيىل اۋىل شارۋاشىلىعى داقىلدارىنىڭ ەگىس الاڭى 14،6 مىڭ گەكتارعا ارتتى، دەپ حابارلايدى Egemen.kz

بيىل شارۋالار كۇننىڭ كۇرت جىلۋىنا بايلانىستى ەگىس جۇمىستارىن جىلداعىدان ەرتە باستادى. اۋىل شارۋاشىلىعى داقىلدارىنىڭ ەگىس الاڭى - 1393،3 مىڭ گا. بۇل - وتكەن جىلمەن سالىستىرعاندا 14،6 مىڭ گا ارتىق.

شقو اۋىل شارۋاشىلىعى باسقارماسى باسشىسىنىڭ مىندەتىن اتقارۋشى راميل ساعاندىقوۆتىڭ ايتۋىنشا، كوكتەمگى ەگىس جانە ەگىن جيناۋ جۇمىستارىن ناتيجەلى جۇرگىزۋ ءۇشىن وبلىستىق بيۋدجەتتەن 6 ملرد تەڭگە سۋبسيديا بولىنگەن. بۇل - 2021 جىلعى سومادان 577 ميلليون تەڭگەگە كوپ.

«اتاپ ايتقاندا، تۇقىم شارۋاشىلىعىن قولداۋعا - 2 ملرد 367 ملن، مينەرالدى تىڭايتقىشتاردىڭ قۇنىن ارزانداتۋعا - 2 ملرد، پەستيتسيدتەردىڭ باعاسىن ارزانداتۋعا - 1 ملرد 472 ملن، سۋارمالى سۋدى جەتكىزۋ بويىنشا قىزمەتتەردىڭ قۇنىن سۋبسيديالاۋ ءۇشىن - 179 ملن تەڭگە قاراستىرىلعان. ايماق بويىنشا ءداندى جانە ءداندى-بۇرشاقتى داقىلدار 601،9 مىڭ گەكتارعا، ونىڭ ىشىندە كۇزدىك داقىلدار 36،5 مىڭ، مايلى داقىلدار 484،7 مىڭ، ازىقتىق داقىلدار 274،4 مىڭ، كارتوپ 19 مىڭ، كوكونىستەر مەن باقشا ونىمدەرى 13،3 مىڭ گەكتارعا ەگىلدى»، دەدى ول.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار