ايماقتار • 21 مامىر، 2022

شىمكەنتتەگى جارىلىستان ءبىر نارەستە شەتىنەدى

32 رەت كورسەتىلدى

وسىدان نەبارى 18 كۇن بۇرىن عانا دۇنيەگە كەلگەن ءسابي ۇشەمنىڭ ءبىرى ەدى. تۇركىستان وبلىستىق قوعامدىق دەنساۋلىق باسقارماسىنىڭ مالىمەتىنشە، جارىلىس كەزىندە №1 پەريناتالدىق ورتالىقتا ەكى جۇزدەن اسا ادام بولعان، دەپ حابارلايدى Egemen.kzء تىلشىسى.

«شىمكەنت قالاسىنداعى №1 وبلىستىق پەريناتالدىق ورتالىقتا جارىلىس كەزىندە 189 پاتسيەنت پەن 65 قىزمەتكەر بولعان. جارىلىس سالدارىنان ورتالىقتىڭ كۇزەتشىسى جانە 1 نارەستە كوز جۇمدى. شەتىنەگەن ءسابي 18 كۇن بۇرىن تۋعان. تاعى 8 ادام زارداپ شەگىپ، قالانىڭ مەديتسينالىق مەكەمەلەرىنە جاتقىزىلدى. اتاپ ايتقاندا، وبلىستىق كلينيكالىق اۋرۋحاناعا، قالالىق №1 جانە №2 اۋرۋحاناعا جاتقىزىلدى»، دەلىنگەن باسقارما حابارلاماسىندا.

تۇركىستان وبلىسى اكىمىنىڭ ءباسپاسوز قىزمەتىنەن ءمالىم بولعانىنداي، ومىرزاق شوكەەۆ ءتيىستى ورگاندارعا قايتىس بولعان كۇزەتشىنىڭ وتباسىنا ماتەريالدىق كومەك بەرۋ، ياعني جەرلەۋ ءراسىمىنىڭ شىعىنىن تولىق كوتەرۋدى تاپسىردى.

ايتا كەتەيىك، بۇعان دەيىن شىمكەنتتەگى پەريناتالدىق ورتالىقتىڭ قاسىنداعى ءدارى ساقتايتىن ەكى قاباتتى عيماراتتا جارىلىس بولدى. پەرزەنتحانا عيماراتى مەن تۇرعىن ۇيگە زاقىم كەلىپ، ونداعى ادامدار قاۋىپسىز جەرگە كوشىرىلگەن ەدى.

ايانا توعانبەك

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار