«قالا مەن اۋىل مەكتەپتەرى اراسىنداعى ءبىلىم ساپاسىنىڭ الشاقتىعى ماسەلەسى بار ەكەنى دە بەلگىلى. بۇل قوعام تاراپىنان, سەناتورلار تاراپىنان كوتەرىلىپ جۇرگەن سۇراقتاردىڭ ءبىرى. وسى الشاقتىقتى جويۋ ءۇشىن مەكتەپتەردى مودەرنيزاتسيالاۋ جۇرگىزىلۋدە. اتاپ ايتقاندا بۇل اۋىل مەكتەپتەرىن ءبىلىم ساپاسىنا تىكەلەي ىقپال ەتەتىن – پاندىك كابينەتتەرمەن, كىتاپحانالارمەن, ينتەرنەتپەن جانە مەكتەپ جيھازىمەن جابدىقتاۋعا باعىتتالعان. وتكەن جىلمەن قوسقاندا بيىل 2 مىڭنان اسا اۋىل مەكتەبى وسىنداي جاڭعىرتۋدان وتەدى (2025 جىلعا قاراي 5000 مەكتەپ)», دەدى ەرالى توعجانوۆ.
سونىمەن قاتار ول مەكتەپتەگى ءبىلىمنىڭ دەڭگەيى ۇستازداردىڭ بىلىكتىلىگىمەن دە بايلانىستى ەكەنىن اتاپ ءوتتى.
«سوندىقتان مەملەكەت باسشىسىنىڭ تاپسىرماسىنا سايكەس ۇزدىك پەداگوگتەردى وڭىرلەرگە تارتۋعا ارنالعان ارنايى باعدارلاما ازىرلەنىپ جاتىر. باعدارلاماعا سايكەس ءبىلىم ساپاسىندا الشاقتىق بار وڭىرلەرگە (ماڭعىستاۋ, اتىراۋ, تۇركىستان, الماتى وبلىستارى) باراتىن, ىرىكتەۋدەن وتكەن پەداگوگتەرگە ۇستەماقى تولەنەتىن بولادى», دەدى ۇكىمەت باسشىسىنىڭ ورىنباسارى.
