رەفەرەندۋم-2022 • 20 مامىر، 2022

بقو-دا رەفەرەندۋمعا وراي 444 مىڭعا جۋىق سايلاۋشى تىركەلگەن

22 رەت كورسەتىلدى

باتىس قازاقستان وبلىسىندا 5 ماۋسىمدا وتەتىن رەسپۋبليكالىق رەفەرەندۋمعا 443 833 سايلاۋشى تىركەلگەن، دەپ حابارلايدى Egemen.kz.

بقو سايلاۋ كوميسسياسىنىڭ توراعاسى عايسا قاپاقوۆتىڭ ءمالىم ەتكەنىندەي، وڭىردە 505 سايلاۋ ۋچاسكەسى بار.

ونىڭ سوزىنە قاراعاندا، سايلاۋ كوميسسيالارىندا 3259 مۇشە بولسا، سونىڭ 98-ءى – اۋماقتىق، 3161-ءى – ۋچاسكەلىك سايلاۋ كوميسسيالارىنىڭ مۇشەلەرى. كوميسسيا مۇشەلەرىنىڭ 80 پايىزدان استامى – بۇرىننان سايلاۋ ناۋقانىنا قاتىسىپ جۇرگەن تاجىريبەلى ادامدار.

«قازىرگى كەزدە سايلاۋ كوميسسيالارىنىڭ مۇشەلەرى تەستىلەۋدەن ءوتىپ، وقىتىلىپ جاتىر. وسىنداي ءىس-شارا باق جانە باسقا الەۋمەتتىك توپتار، قوعام وكىلدەرى ءۇشىن دە ۇيىمداستىرىلادى. وبلىستا ەلىمىزدەگى اسا ماڭىزدى ناۋقاندى وتكىزۋگە 738 ملن 767 مىڭ تەڭگە بولىنسە، سونىڭ 597 ملن تەڭگەسى سايلاۋ كوميسسيالارىنىڭ مۇشەلەرىنە ەڭبەكاقى ەسەبىندە تولەنەدى»، دەدى قاپاقوۆ.

ونىڭ ايتۋىنشا، رەفەرەندۋم بارىسىن باقىلاۋعا 2500-دەي بايقاۋشى قاتىسپاقشى. سونىڭ ىشىندە الىس جانە جاقىن شەتەلدەن بايقاۋشىلار كەلەدى دەپ جوسپارلانۋدا. ءار سايلاۋ ۋچاسكەسىندە كەم دەگەندە ءۇش بايقاۋشى بولادى.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار