جەڭىمپازدىڭ بەس مينۋتتان تۇراتىن روليگىندە قولعا العان تاقىرىپ كەڭىنەن قامتىلعان. مىسالى, ءوزىنىڭ ەڭبەگىندە ول ءبىر كۇندىك كەستەنى كورسەتىپ قانا قويماي, ءبىلىم جولىنداعى ىزدەنىسىنىڭ دە جاي-جاپسارىن جان-جاقتى اشا العان.
نازەركە ابجامال ۇلىتاۋداعى №1 تىرەك مەكتەبىنىڭ 9-سىنىبىندا وقيدى.
– بەسىنشى سىنىپتان باستاپ بەينەتۇسىرىلىم مەن الەۋمەتتىك جەلىلەردەگى ءوز روليكتەرىمدى جارنامالاۋمەن اينالىسىپ كەلەمىن. ءبىر جىلدان بەرى مەكتەپتىڭ Instagram-پاراقشاسىن جۇرگىزەمىن, – دەيدى نازەركە.
بايقاۋدى ۇيىمداستىرۋشىلاردىڭ ءبىرى Ulytau Media School جاس جۋرناليستەر مەن بلوگەرلەر جەتەكشىسى دۋمان ادەن سايىستا 56 ۇمىتكەردىڭ باق سىناعانىن ايتادى.
– بايقاۋ «بالالار جىلى» اياسىندا ۇيىمداستىرىلىپ, 56 قاتىسۋشىنىڭ اراسىنان 33 وقۋشىنىڭ بلوگتارى تاڭداپ الىندى. ولاردىڭ جۇمىستارىن قۇرامىنا بىلىكتى ماماندار ەنگەن قازىلار القاسى باعالادى. ءبىرىنشى ورىندى №1 تىرەك مەكتەبىنىڭ وقۋشىسى نازەركە ءابجامال السا, ەكىنشى جۇلدەنى №11 جببوم 8-سىنىپ وقۋشىسى گۇلزات شۇكىروۆا جانە ءۇشىنشى ورىندى №1 تىرەك مەكتەبىنىڭ 10-سىنىپ وقۋشىسى مارجان شاباز يەلەندى, – دەدى ول.
جەڭىمپازدار مەن جۇلدەگەرلەر ديپلومدارمەن جانە باعالى سىيلىقتارمەن ماراپاتتالدى. سونداي-اق بايقاۋدىڭ جەڭىمپازى «ۇلت ۇياسى – ۇلىتاۋ» تۋريستىك ولكەتانۋ ەكسپەدي-
تسياسىنا جولداما السا, ەكىنشى جانە ءۇشىنشى جۇلدە يەگەرلەرى «دالا LIFE» ەتنولاگەرىندە دەمالاتىن بولدى.
قاراعاندى
