بوكس • 20 مامىر، 2022

كەزەكتى قارسىلاستار بەلگىلى بولدى

24 رەت كورسەتىلدى

جارتىلاي اۋىر سالماقتا ونەر كور­سەتەتىن قازاقستاندىق بوكسشى بەكزات نۇرداۋلەتوۆ (4-0، 2 كو) پەن ورتا سال­­ماقتا جۇدىرىقتاساتىن مەيىرىم نۇر­سۇلتانوۆتىڭ (16-0، 9 كو) قار­سىلاستارى بەلگىلى بولدى.

قازاقستاندىق Adal Promotions كومپانياسىمەن جۇمىس ىستەيتىن بوكسشىلارىمىز 11 ماۋ­سىم كۇنى اقتاۋ قالاسىندا وزدەرىنىڭ كەزەكتى جەكپە-جەكتەرىن وتكىزەدى. اتاپ ايتقاندا، كاسىپقوي بوكس كەشىندە اۋەسقوي بوكستان 2019 جىلعى الەم چەمپيونى بەكزات نۇرداۋلەتوۆ ارگەنتينالىق دۋرۆال پالاسيومەن (9-2، 6 كو) جۇدىرىقتاسادى دەپ جوسپارلانعان.

ال جۋىردا عانا WBO International چەمپيوندىق بەلدىگىن جەڭىپ العان مەيىرىم نۇرسۇلتانوۆ تا ارگەنتينالىق بوكسشىمەن ايقاسادى. ونىڭ قارسىلاسى – سەباستيان وراسيو پاپەسكي (18-3، 6 كو) بولماق. ايتا كەتەيىك، ب.نۇرداۋلەتوۆ پەن م.نۇرسۇلتانوۆ كەيىنگى جەكپە-جەكتەرىن اقپاندا اقتاۋدا وتكىزىپ، ەكەۋى دە قارسىلاستارىن مەرزىمىنەن بۇرىن جەڭگەن ەدى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار