بيىلعى ۇلتتىق كۋبوكتىڭ توپتىق كەزەڭىنە قازاقستان پرەمەر-ليگاسىندا ونەر كورسەتەتىن 14 كلۋب پەن ءبىرىنشى جانە ەكىنشى ليگا اراسىندا وتكىزىلگەن الدىن الا ىرىكتەۋ كەزەڭىندە ۇزدىك شىققان قىزىلوردانىڭ «قايسارى» مەن تالدىقورعاننىڭ «جەتىسۋ» كوماندالارى دا قاتىساتىن بولدى. وسىلايشا, 16 كوماندا ءتورت-تورتتەن ءتورت توپقا ءبولىنىپ, ەڭ ۇزدىك ەكى كلۋب جارىستىڭ شيرەك فينالىنا جولداما الادى. جەرەبە تارتۋ راسىمىنە قازاقستان ۇلتتىق قۇراماسىنىڭ باس باپكەرى ماگومەد اديەۆ جانە قكفل سپورتتىق ديرەكتورى پاۆەل دەميان قاتىستى. جەرەبە قورىتىندىسى بويىنشا, توپتار بىلايشا قۇرىلدى:
«ا» توبى: «اقسۋ», «اتىراۋ», «قايرات», «ورداباسى»;
«ۆ» توبى: «قايسار», «اقجايىق», «كاسپي», «قىزىل-جار سك»;
«س» توبى: «اقتوبە», «ماقتاارال», «تاراز», «توبىل»;
«D» توبى: «شاحتەر», «تۇران», «جەتىسۋ», «استانا».
توپتىق كەزەڭنىڭ العاشقى تۋر ويىندارى شىلدەنىڭ 8-ءى مەن 10-ى ارالىعىنا, سوڭعى, التىنشى تۋر 13-14 تامىزعا جوسپارلانعان. «توبىل», «استانا», «قايرات» جانە «قىزىلجار» كلۋبتارى ەۋروكۋبوك باسەكەلەرىنىڭ ىرىكتەۋ كەزەڭىندە ونەر كورسەتەتىندىكتەن, قازاقستان OLIMPBET-كۋبوگى كۇنتىزبەسىنە وزگەرىستەر ەنۋى مۇمكىن.
