جالپى, اتاۋلى جىلدا اتقارىلاتىن ءىس-شارالار رەتى ۇكىمەتتىڭ ارنايى قاۋلىسىمەن 7 باعىت بويىنشا جۇرگىزىلۋدە. ولاردىڭ قاتارىندا ء«بىلىمدى بالا», «وتباسى – قاۋىپسىز مەكەن», «دەنى ساۋ بالا», «جەتىمسىز ەل», «جايلى مەكەن», «Bala qorgay», «Bala_time.kz» سياقتى نەگىزگى جوسپارلاردى قامتۋ مىندەتى تۇر. ال ايماقتا قولعا الىنعان ءىس-شارانىڭ ءبىر باعىتى ءبىلىم سالاسىنا قاتىستى بولىپ وتىر.
– پرەزيدەنت بۇل جىلدى تەك ۇرانداپ نەمەسە مەرەكە تۇرىندە عانا وتكىزۋدى ەمەس, بالالاردى قورعاۋ ماقساتىندا دەنساۋلىق ساقتاۋ, ءبىلىم بەرۋ جانە الەۋمەتتىك قامسىزداندىرۋ سالاسىندا ناقتى ءىس-شارالار جاساۋ كەرەكتىگىن تاپسىردى. وسىعان وراي وبلىستا ءىس-شارالار جوسپارى بەكىتىلگەن, – دەدى وبلىستىق ءبىلىم باسقارماسى باسشىسىنىڭ ورىنباسارى ايجان ادامبەكوۆا.
ونىڭ ايتۋىنشا, بۇل بالالاردىڭ ساپالى ءبىلىم الۋىنا, تولىققاندى قوسىمشا وقۋمەن قامتىلۋىنا, دەنساۋلىعىن نىعايتۋعا, قۇقىقتارىن ىسكە اسىرۋعا, وتباسىلىق جانە ادامگەرشىلىك-رۋحاني قۇندىلىقتاردى قالىپتاستىرۋعا باعىتتالىپ وتىر. وبلىستا بالالار جىلىن وتكىزۋ اياسىندا 5 مىڭنان استام ءىس-شارا قاراستىرىلسا, بۇل ماقساتقا جەرگىلىكتى بيۋدجەتتەن 7 ملرد تەڭگەدەن استام قارجى ءبولىنىپتى.
بيىل بالالار يگىلىگى ءۇشىن بەرىلەتىن 13 مەكتەپتىڭ قۇرىلىسىن اياقتاۋ جوسپارلانۋدا. مۇنان بولەك ەڭبەكشىقازاق كوپسالالى اۋدانارالىق اۋرۋحاناسىنىڭ بازاسىندا «قامقورلىق» وڭالتۋ ورتالىعى اشىلماق. ورتالىقتا نەيرو-ورتوپەديالىق, تسەرەبرالدى سال اۋرۋى بار بالالاردى وڭالتۋدىڭ ۇزدىك ادىستەمەلەرى مەن زاماناۋي تاسىلدەرى ەنگىزىلگەن. جىل سوڭىنا دەيىن 600 بالانى قابىلداۋ جوسپارلانعان. جالپى, ايماقتاعى مۇمكىندىگى شەكتەۋلى 58 بالا ۋاقتىلى ساۋىقتىرۋ ءۇشىن نۇر-سۇلتان قالاسىنىڭ «بالالاردى وڭالتۋدىڭ ۇلتتىق ورتالىعىنا» جىبەرىلگەن. بالا دەنساۋلىعىنا كوڭىل ءبولۋ ءىسى وبلىستا وڭ باعىتتا ءوربىپ وتىر. قازىر ايماقتا 11 وڭالتۋ ورتالىعى جۇمىس ىستەيدى. ونىڭ تورتەۋى تازا مەملەكەتتىك مەكەمە ەكەن. مۇنداي ورتالىقتاردا قىزمەت الۋشىلارعا الەۋمەتتىك-مادەنيەت, الەۋمەتتىك-ەكونوميكا, الەۋمەتتىك-پسيحولوگيا, الەۋمەتتىك-مەديتسينا, الەۋمەتتىك-قۇقىق سالالارى بويىنشا كومەك بەرىلەدى.
«بار جاقسىلىق – بالالارعا» دەگەندەي, ايماقتاعى جاسوسپىرىمدەردى رۋحاني تۇرعىدا قولداۋ ءاردايىم نازاردا. وبلىستىق تاريحي-ولكەتانۋ مۇراجايلارى مەن مۋزەيلەرگە جەتىم بالالار مەن اتا-اناسىنىڭ قامقورلىعىنسىز قالعان, از قامتىلعان, كوپبالالى وتباسىلاردان شىققان جەتكىنشەكتەرگە تەگىن كورمە-ەكسكۋرسيالار ۇيىمداستىرىلۋدا. جاقىندا «قايىرىمدى ۇلت» رەسپۋبليكالىق قايىرىمدىلىق اكتسياسى اياسىندا «اينالايىن» بالالار ءۇيى مەن كامەلەتكە تولماعانداردى بەيىمدەۋ ورتالىعىنىڭ ەكى جۇزدەن استام تاربيەلەنۋشىسى مەن مۇمكىندىگى شەكتەۋلى بالالارعا مەرەكەلىك كونتسەرت جانە داستارقان ۇيىمداستىرىلعان. جەتىم جانە اتا-انا قامقورلىعىنسىز قالعان بالالارعا ارنالعان مەكەمەلەردىڭ 210 تاربيەلەنۋشىسىنە ويىنشىقتار, سپورتتىق ينۆەنتارلار جانە باسقا سىيلىقتار تابىس ەتىلگەن. ال ب.ريموۆا اتىنداعى دراما تەاترى 860 بالاعا قايىرىمدىلىق قويىلىمدارىن ۇسىندى. «اينالايىن» جانە وبلىستىق №1 بالالار ۇيلەرىنىڭ 194 تاربيەلەنۋشىسى ءۇشىن دەمەۋشىلەر تاراپىنان مەرەكەلىك داستارقان ۇيىمداستىرىلىپ, سىيلىقتار تابىس ەتىلدى, بۇل شاراعا 2 ملن-نان استام قاراجات جۇمسالدى.
وبلىستا بالا قۇقىعىن جۇزەگە اسىرۋ, وتباسىلىق جانە ادامگەرشىلىك-رۋحاني قۇندىلىقتاردى قالىپتاستىرۋ ماقساتىندا سۋرەت, مانەرلەپ وقۋ, پلاكات, پاتريوتتىق اندەر بايقاۋى, اشىق ساباق, تاربيە ساعاتى, اكتسيا, ادەبي وقىلىم, مۇراجايلارعا ەكسكۋرسيا, كورمە, فەستيۆال, سلەت, اتا-انالاردىڭ قاتىسۋىمەن دوڭگەلەك ۇستەل, كەزدەسۋلەر ءوتتى. ءىس-شارالار مەملەكەتتىك جانە ۇكىمەتتىك ەمەس ۇيىمدار, دەمەۋشىلەر, مەتسەناتتار, قوعامدىق ۇيىمداردىڭ قاتىسۋىمەن ۇيىمداستىرىلۋدا. بۇل اتالعان شارالار «بالالار جىلى» اياسىندا تۇراقتى جالعاسىن تاپپاق.
الماتى وبلىسى
