ستۋدەنتتەرگە لەكتسيانى بىلىكتىلىك تالاپتارىنا ساي كەلمەيتىن وقىتۋشىلار وقىعان. ماسەلەن, «اۋە كولىگىن پايدالانۋ» ماماندىعى بويىنشا بازالىق ءبىلىمى بار مۇعالىم «مەكتەپكە دەيىنگى تاربيەدەگى يننوۆاتسيالىق تەحنولوگيالار» جانە «باستاۋىش مەكتەپتە تاربيە جۇمىسىنىڭ تەورياسى مەن ادىستەمەسى» پاندەرىنەن ساباق بەرەدى. ال, دەنە شىنىقتىرۋ ءپانىنىڭ مۇعالىمى مۋزىكالىق ونەردىڭ تەورياسى مەن ادىستەمەسىن وقىتادى.
«سونداي-اق پروفيلاكتيكالىق باقىلاۋ بارىسىندا كەيىنگى 5 جىلدا بىردە-ءبىر عىلىمي ماقالا جازباعان وقىتۋشىلار ماگيسترلىك ديسسەرتاتسيالارعا عىلىمي جەتەكشىلىك ەتەتىنى انىقتالدى», دەيدى قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى توراعاسىنىڭ ورىنباسارى گۇلجان جاراسوۆا.
مينيسترلىكتەن ءمالىم ەتكەندەي, ستۋدەنتتەر مەن وقىتۋشىلار تۋرالى ناقتى دەرەكتەر ۇبدق مالىمەتتەرىنە سايكەس كەلمەيدى. دەرەكتەر بازاسىندا 335 وقۋشى مەن كوپتەگەن مۇعالىم تۋرالى اقپارات جوق.
ونىمەن قوسا, ۋنيۆەرسيتەت ستۋدەنتتەردىڭ وقۋ جۇكتەمەسى مەن ولاردى قورىتىندى اتتەستاتسيادان وتكىزۋ تالاپتارىن ساقتامايدى. باكالاۆريات جانە ماگيستراتۋرا ستۋدەنتتەرى اكادەميالىق كرەديتتەردى تولىق كولەمدە يگەرمەگەن.
ۋنيۆەرسيتەت وقۋ كابينەتتەرىمەن جانە زەرتحانالىق بازامەن جەتكىلىكتى قامتاماسىز ەتىلمەگەن. كەيبىر كابينەتتەر سانيتارلىق تالاپتارعا ساي كەلمەيدى.
ۆەدومستۆو ستۋدەنتتەردىڭ ءبىلىم ناتيجەسى دە كوڭىل كونشىتپەيتىنىن ايتادى, 96%-ى شەكتى دەڭگەيدەن وتە الماعان.
«ۋنيۆەرسيتەتكە بارلىق انىقتالعان زاڭبۇزۋشىلىقتى جويۋعا ۋاقىت بەرىلدى. ءبىرىنشى ساتىداعى سوتتىڭ شەشىمىمەن كوميتەتتىڭ بارلىق اكىمشىلىك اكتىسى زاڭدى دەپ تانىلدى, ال ۋنيۆەرسيتەتتىڭ شاعىمى قاناعاتتاندىرۋسىز قالدىرىلدى», دەلىنگەن مينيسترلىك مالىمدەمەسىندە.
مينيسترلىك تالاپكەرلەرگە, ستۋدەنتتەرگە جانە ولاردىڭ اتا-انالارىنا جوعارى وقۋ ورنىن تاڭداۋ كەزىندە ءبىلىم ساپاسىنا ءمان بەرۋ كەرەگىن ەسكەرتەدى.
