ءتارتىپ بۇزۋشىعا 214 410 تەڭگە ايىپپۇل سالىندى. قوستاناي وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ينتەرنەت-رەسۋرستارعا مونيتورينگ جۇرگىزۋ بارىسىندا وبلىس تۇرعىنىنىڭ قوعامدىق كولىكتە زاڭسىز ميسسيونەرلىك قىزمەتتى جۇزەگە اسىرعانىن انىقتادى. ايەل اۆتوبۋستا ءدىني ۋاعىز ايتقان.
جولاۋشىلار ونى ۆيدەوعا ءتۇسىرىپ الىپ, الەۋمەتتىك جەلىلەرگە جاريالاعان. پوليتسەيلەر قالا تۇرعىنىنىڭ ميسسيونەرلىك قىزمەتكە رۇقسات قۇجاتتارى جوق ەكەنىن انىقتادى. بەينەجازبا, سونداي-اق كۋاگەرلەردىڭ ايعاقتارى نەگىزىندە قر اقبتك-ءنىڭ 490-بابى بويىنشا اكىمشىلىك حاتتاما تولتىرىلدى.
قوستاناي وبلىستىق پد ءدىن تۋرالى زاڭنىڭ قابىلدانۋىنىڭ ارقاسىندا مۇنداي فاكتىلەر قىسقارعانىن اتاپ ءوتتى. ەندى ءدىني بىرلەستىكتەر وزدەرىنىڭ ءىس-شاراسىن بەلگىلەنگەن ورىنداردا وتكىزەدى, ال ميسسيونەرلىك قىزمەت تەك تىركەلۋ ارقىلى جۇزەگە اسىرىلادى. سوتتا ايەل ءوز كىناسىن مويىندادى.
سوت شەشىمى زاڭدى كۇشىنە ەندى.
