پوليتسەيلەر تابيعات قورعاۋشىلارمەن بىرگە تاسارال شىعاناعىندا جۇمىس ىستەدى. ولار بالقاش كولىنىڭ وسى ۋچاسكەسىندە كولدىڭ ءتۇبى مەن وعان ىرگەلەس اۋماقتى تاستالعان بالىق اۋلاۋ تورلارىنان تازارتتى.
«تورمەن بالىق اۋلاۋ سۋ وبەكتىلەرىنە ۇلكەن زيان كەلتىرەدى. گۇلدەنگەن, بالىققا تولى كول بىرنەشە جىلدان كەيىن كۇيدىرىلگەن شولگە اينالادى. ماسەلە تەك وسىمەن شەكتەلمەيدى. براكونەرلەر ءوز تورلارىن ءجيى قالدىرىپ كەتەدى», دەيدى قاراعاندى وبلىسى پد جپقب تابيعاتتى قورعاۋ پوليتسياسى ءبولىمىنىڭ باستىعى ەربولات يزاتوۆ.
ناتيجەسىندە, تورعا ورالعان بالىق ءولىپ توعاندى لاستايدى. تەك ءبىر كۇننىڭ ىشىندە بالقاش كولىنىڭ 45.1 ۋچاسكەسىندە وسىنداي 150-دەن استام براكونەرلىك تور جينالدى, بۇل شامامەن 15 كم سىمنان توقىلعان تور.
