«بۇگىنگى تاڭدا قازاقستان رەسپۋبليكاسىنىڭ پايدالى قازبالارىنىڭ مەملەكەتتىك بالانسىندا 8711 كەن ورنى, ونىڭ ىشىندە كومىرسۋتەكتەر بويىنشا – 317, قاتتى پايدالى قازبالار بويىنشا – 910, كەڭ تارالعان پايدالى قازبالار بويىنشا – 3160 جانە 4324 جەراستى سۋلارىنىڭ كەن ورىندارى ەسەپكە الىنعان», دەدى كوميتەت باسشىسى.
سونداي-اق ول ەلدەگى مۇناي قورىنىڭ كولەمىنە دە توقتالدى.
«مۇنايدىڭ بالانستىق قورى (ا+ۆ+س1+س2 ساناتتارى بويىنشا) 4,4 ملرد توننانى قۇرايدى. گازدىڭ 2,1 ترلن تەكشە مەتر, كوندەنساتتىڭ 416,2 ملن توننا قورى بار. ونىڭ باسىم بولىگى اتىراۋ وبلىسىندا شوعىرلانعان – شامامەن 75%. قالعان 11%-ى ماڭعىستاۋ وبلىسىنا تيەسىلى. كومىرسۋتەك شيكىزاتى قورىنىڭ 68%-ى تەڭىز, قاشاعان جانە قاراشىعاناق سياقتى 3 ءىرى كەن ورنىنىڭ ۇلەسىنە تيەسىلى», دەدى تالعات ساتيەۆ.
ايانا توعانبەك
