«بۇۇ مالىمەتى بويىنشا الەمنىڭ 38 ەلىندەگى 44 ميلليون ادام اشتىق الدىندا تۇر جانە 811 ميلليوننان استام ادامعا تاماق جەتپەيدى», دەلىنگەن حابارلامادا.
كونفەرەنتسياعا بۇۇ باس حاتشىسى انتونيۋ گۋتەرريش, اقش مەملەكەتتىك حاتشىسى ەنتوني بلينكەن, گەرمانيا, يتاليا, پاكىستان, رۋمىنيا, تۇركيا سىرتقى ىستەر مينيسترلەرى جانە بۇۇ-عا مۇشە 30 ەلدىڭ وكىلدەرى, سونداي-اق ازىق-ت ۇلىك جانە اۋىل شارۋاشىلىق ۇيىمى مەن دۇنيەجۇزىلىك ازىق-ت ۇلىك باعدارلاماسى حالىقارالىق ۇيىمدار باسشىلارى مەن قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيا قاتىستى.
مۇحتار تىلەۋبەردى ءوز سوزىندە قازاقستان الەمدىك نارىققا اۋىل شارۋاشىلىعى ونىمدەرىن جەتكىزۋدى ودان ءارى كەڭەيتۋگە, سونداي-اق اۋعانستان اۋماعىنا حالىقارالىق گۋمانيتارلىق كومەكتى جەتكىزۋدىڭ سەنىمدى جولدارىن قامتاماسىز ەتۋگە جان-جاقتى جاردەم كورسەتۋگە دايىن ەكەنىن جەتكىزدى.
دۇنيەجۇزىلىك ازىق-ت ۇلىك باعدارلاماسى قازاقستاننان اۋعانستانعا وتكەن جىلدىڭ قازان ايىندا اۋعان حالقى ءۇشىن 20 مىڭ توننا ۇن ساتىپ الدى.
«وسىعان بايلانىستى ءبىز وسى ماسەلەدە بارلىق مۇددەلى جانە حالىقارالىق قۇرىلىمداردىڭ, سونىڭ ىشىندە قازاقستاندا ورنالاسقان ازىق-ت ۇلىك قاۋىپسىزدىگى يسلام ۇيىمىنىڭ قولداۋىنا جانە قاتىسۋىنا ءۇمىت ارتامىز», دەدى مينيستر.
سونىمەن قاتار قازاقستان دەلەگاتسياسىنىڭ باسشىسى سەرىكتەس مەملەكەتتەردى مۇقتاج ەلدەر ءۇشىن اۋىل شارۋاشىلىعى سەكتورىنداعى ەڭبەك ونىمدىلىگىن ارتتىرۋدىڭ ءتيىمدى تەتىكتەرىن قۇرۋ بويىنشا حالىقارالىق قارجىلىق قولداۋدى كۇشەيتۋگە شاقىردى.
ايتا كەتسەك, سول كۇنى قر سىرتقى ساياسي ۆەدومستۆوسىنىڭ باسشىسى بۇۇ باس حاتشىسى انتونيۋ گۋتەرريشپەن ەكىجاقتى كەزدەسۋ وتكىزدى. تاراپتار قازاقستان مەن بۇۇ اراسىنداعى تىعىز ىنتىماقتاستىقتىڭ سەرپىنى مەن پەرسپەكتيۆالارىن تالقىلادى. مينيستر جاڭا قازاقستاندى قۇرۋ بويىنشا قازاقستان پرەزيدەنتى قاسىم-جومارت توقاەۆتىڭ جۇرگىزىپ جاتقان رەفورمالارى جانە قر كونستيتۋتسياسىنا تۇزەتۋلەر ەنگىزۋ بويىنشا الداعى رەفەرەندۋم تۋرالى ەگجەي-تەگجەيلى اقپارات بەردى. سونداي-اق بۇۇ باس حاتشىسىنا مەملەكەت باسشىسى اتىنان بيىلعى جىلدىڭ 14-15 قىركۇيەگىندە نۇر-سۇلتان قالاسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنە شاقىرۋ تاپسىرىلدى.
