ەكونوميكا • 18 مامىر، 2022

ۇلتتىق بانك تەڭگەنىڭ نىعايۋ سەبەبىن ءتۇسىندىردى

32 رەت كورسەتىلدى

ۇلتتىق بانك توراعاسىنىڭ ورىنباسارى ءاليا مولدابەكوۆا تەڭگەنىڭ نىعايۋ سەبەپتەرى مەن حالىقارالىق رەزەرۆتەردىڭ نەلىكتەن وزگەرگەنىن ءتۇسىندىردى، دەپ حابارلايدى Egemen.kz.

مولدابەكوۆانىڭ سوزىنشە، ساۋىردە جاھاندىق قارجى نارىعىنداعى بەلگىسىزدىك پەن قۇبىلمالىلىققا قاراماستان، تەڭگە 4،6 پايىزعا دەيىن نىعايدى.

«ساۋىردە شەتەل ۆاليۋتاسىنا سۇرانىستىڭ ايتارلىقتاي تومەندەگەنى بايقالدى. قازاقستان قور بيرجاسىندا ساۋدا-ساتتىقتىڭ ورتاشا كولەمى  179 ميلليون دوللاردان 92 ميلليون دوللارعا دەيىن تومەندەدى. شەتەل ۆاليۋتاسىنا سۇرانىستىڭ تومەندەۋى، ەڭ الدىمەن، لوگيستيكالىق تىزبەكتەردىڭ توقتاتىلۋى جانە جەتكىزۋدەگى ىقتيمال ۇزىلىستەر ناتيجەسىندە يمپورتتىڭ، ونىڭ ىشىندە رەسەي يمپورتىنىڭ تومەندەۋىنە بايلانىستى بولدى. سونىمەن قاتار قازىرگى جاعدايدى ەسكەرە كەلە، رەسەي فەدەراتسياسىنىڭ بەلگىلى ءبىر ءونىم تۇرلەرىنىڭ ەكسپورتىنا شەكتەۋ شارالارىن قولدانۋ جاعدايىندا يمپورتتى باسقا نارىقتارعا قايتا باعىتتاۋعا بولادى، بۇل بەلگىلى ءبىر ۋاقىتتى قاجەت ەتەدى»، دەيدى ول. 

ۇلتتىق بانك توراعاسىنىڭ ورىنباسارى سىرتقى نارىقتا بەلگىسىزدىكتىڭ ساقتالۋى نارىق قاتىسۋشىلارى بەلسەندىلىگىنىڭ تومەندەۋىنە ىقپال ەتەتىنىن ەسكەرتتى.

«جالپى العاندا، نارىقتاعى سەنتيمەنت وزگەرىپ، جەكە تۇلعالاردىڭ تاراپىنان سۇرانىس تۇراقتاندى، بۇل دا تەڭگەنىڭ باعامىنا وڭ اسەر ەتەدى. تەڭگەدەگى اكتيۆتەردى قورعاۋ شارالارى جانە ۇلتتىق بانكتىڭ مولشەرلەمەنى 14 پايىزعا دەيىن كوتەرۋى – قارجى نارىعىنىڭ تۇراقتىلىعىن قامتاماسىز ەتۋگە جانە تەڭگەدەگى دەپوزيتتەردىڭ تارتىمدىلىعىن قولداۋعا ىقپال ەتەدى»، دەپ قوستى ول. 

سونىمەن قاتار مولدابەكوۆا ساۋىردە ۇلتتىق بانكتىڭ ۆاليۋتالىق ينتەرۆەنتسيا جۇرگىزبەگەنىن قوستى.

«ۇلتتىق ۆاليۋتا باعامىنىڭ قىسقا مەرزىمدى اۋىتقۋلارى بولعان جاعدايدا ساتۋ جاعىنان، سول سياقتى ساتىپ الۋ جاعىنان ۇلتتىق بانك ۆاليۋتالىق ينتەرۆەنتسيا جاسامادى. ۇلتتىق بانك تەڭگەنىڭ قالىپتى قۇبىلمالىلىعىن شەكتەمەيدى»، دەيدى ول. 

ۇلتتىق بانك جىل باسىنان بەرى ۇلتتىق ۆاليۋتانىڭ السىرەۋى نەبارى 0،2%-دى قۇراعانىن جاريالادى.

سوڭعى جاڭالىقتار

كوروناۆيرۋس قايتا كۇشەيدى

كوروناۆيرۋس • بۇگىن، 23:07

ەڭبەكتىڭ ەركىنى

ايماقتار • بۇگىن، 23:02

بابا ءتىلىنىڭ باعاسىن بىلەيىك

احمەت بايتۇرسىن ۇلى • بۇگىن، 22:54

قۇس تۇماۋىنىڭ كەسىرى

قوعام • بۇگىن، 22:52

سۋدى قالاي ۇنەمدەۋگە بولادى؟

ەكولوگيا • بۇگىن، 22:51

جالعاسىن تاپقان ءداستۇر

ايماقتار • بۇگىن، 22:48

48 مىڭ جىل بۇرىنعى تىرشىلىك

تاريح • بۇگىن، 22:47

تولقىن شاشىپ شاپقان ات

ونەر • بۇگىن، 22:44

اۋىلدىڭ قىزى – الەم چەمپيونى

ايماقتار • بۇگىن، 22:38

استانا كۇنىنە ارنالدى

قوعام • بۇگىن، 22:35

ۇقساس جاڭالىقتار