قازاقستان • 18 مامىر، 2022

BATYR BEINESI كوللەكتسيالىق مونەتالارى اينالىمعا شىعادى

62 رەت كورسەتىلدى

بۇگىن قازاقستان ۇلتتىق بانكى Street art. BATYR BEINESI كوللەكتسيالىق مونەتالارىن اينالىمعا شىعارادى، دەپ حابارلايدى Egemen.kz قۇب باسپاسوز قىزمەتىنە سىلتەمە جاساپ.

مونەتالاردىڭ ساتىلىمعا شىعاتىن كۇنىنە قاتىستى قوسىمشا اقپارات بانكتىڭ رەسمي سايتىندا جاريالانادى.

Street art. BATYR BEINESI كوللەكتسيالىق مونەتالارى دارىندى كومپوزيتور جانە ءانشى باتىرحان شۇكەنوۆتىڭ 60 جىلدىعىنا وراي شىعارىلادى.

نومينالى 500 تەڭگەلىك كۇمىستەن جاسالعان Street art. BATYR BEINESI كوللەكتسيالىق مونەتالارى «قازاقستاندى مونەتالار ارقىلى تانى» اتتى جاڭا سەريانى اشادى.

Street art. BATYR BEINESI جاڭا مونەتاسى زاماناۋي ونەر مەن باتىرحان شۇكەنوۆتى ماڭگى ەستە قالدىرۋ سەكىلدى بىردەن ەكى ماعىنالىق جەلىنى بىرىكتىرەدى. بۇل – قازاقستان ۇلتتىق بانكىنىڭ ستريت-ارت سياقتى قازىرگى زامانعى جاستار ونەرىن قولداۋعا ارنالعان العاشقى كوللابوراتسيالىق مونەتا جوباسى.

مونەتانىڭ ديزاينىندا قازاقستان ستريت-ارتىنىڭ ەڭ جارقىن جۇمىستارىنىڭ ءبىرى — REPAS كومانداسىنىڭ «باتىر بەينەسى» گراففيتيى بەينەلەنگەن. اۆتورلاردىڭ باستاماسى بويىنشا ونى مونەتانىڭ ديزاينىندا پايدالانۋ قۇقىعى ۇلتتىق بانككە وتەۋسىز نەگىزدە بەرىلدى.

مونەتالار proof ساپامەن كۇمىستەن جاسالعان، سىناماسى – 925/1000، سالماعى – 31،1 گرامم، ديامەترى – 38،61 مم، نومينالى – 500 تەڭگەلىك، تارالىمى – 5 000 دانا. كوللەكتسيالىق مونەتالار ناقتى قۇنىنا ساي قازاقستاننىڭ بۇكىل اۋماعىندا تولەمدەردىڭ بارلىق ءتۇرى بويىنشا قابىلداۋعا، سونداي-اق قازاقستان رەسپۋبليكاسىنىڭ بانك شوتتارىندا اۋدارۋعا، ۇساقتاۋعا جانە ايىرباستاۋعا جاتادى.

كۇمىستەن جاسالعان مونەتالار كادەسىي ورامىندا مەملەكەتتىك، ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتىمەن شىعارىلادى. كوللەكتسيالىق مونەتالار قازاقستان تەڭگە سارايىندا دايىندالعان.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار