وبلىستىق تجد مالىمەتىنشە, بۇگىن, ياعني 18 مامىردا ساعات 04-50-دە اقمولا وبلىسى بۋراباي اۋدانىنىڭ ششۋچينسك قالاسىندا «جومارت» بازارىنىڭ ءبىر قاباتتى جەكە تۇرعان عيماراتى ورتەنىپ كەتتى. ءورتتى سوندىرۋگە 97 ءورت ءسوندىرۋشى جىبەرىلدى.
ء«ورتتىڭ جالپى اۋماعى 1700 شارشى مەتردى شارپىعان. ال عيماراتتىڭ جالپى اۋدانى 3000 شارشى مەتر بولادى. 45 مينۋت ىشىندە ءورت سوندىرۋشىلەر ءورتتى وقشاۋلاپ, جالىننىڭ تارالۋىنا جول بەرمەدى. وسىلايشا, ەكى ساعات ىشىندە ءورتتى تولىعىمەن ءسوندىردى.
ءورت ءسوندىرۋ بارىسىندا ەر ادامنىڭ دەنەسى تابىلدى. الدىن الا بولجام بويىنشا ول بازاردىڭ كۇزەتشىسى بولۋى مۇمكىن», دەپ حابارلايدى اقمولا وبلىسى تجد ءباسپاسوز قىزمەتى.
قازىرگى تاڭدا انىقتاۋ جۇمىستارى جۇرگىزىلىپ جاتىر. ءورت ورنىندا ءورت-تەحنيكالىق زەرتحاناسى, پوليتسەيلەر جۇمىس ىستەۋدە.
قازىرگى ۋاقىتتا ءورتتىڭ شىعۋ سەبەبى انىقتالىپ جاتىر. ءورتتى سوندىرۋگە تجد 97 قىزمەتكەرى مەن 25 تەحنيكا, جەرگىلىكتى اتقارۋشى ورگانداردىڭ ءۇش قىزمەتكەرى مەن ءۇش تەحنيكاسى جۇمىلدىرىلدى.
