«حالىققا اقپارات بەرۋ ماقساتىندا Qnet كومپانياسىنىڭ قىزمەتىنە قاتىستى قر قىلمىستىق كودەكسى 217-بابى («قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ») بويىنشا الماتى قالاسى پد سوتالدى تەرگەپ-تەكسەرۋلەردىڭ بىرىڭعاي تىزىلىمىنە تىركەلگەن قىلمىستىق ءىس تەرگەلىپ جاتقانىن حابارلايمىن», دەپ جازدى ول Telegram-كانالىندا.
رۋستام ءابدىراحمانوۆتىڭ مالىمەتىنشە, تەرگەۋ بارىسى قر باس پروكۋراتۋراسى, ىشكى ىستەر مينيسترلىگى, الماتى قالاسى پروكۋراتۋراسى مەن پوليتسيا دەپارتامەنتى باسشىلىعىنىڭ ەرەكشە باقىلاۋىندا, جەدەل ىزدەستىرۋ شارالارى جۇرگىزىلىپ جاتىر.
«Qnet قر زاڭناماسىنىڭ تالاپتارىنا سايكەس كاسىپكەرلىك قىزمەت جۇرگىزبەيدى, كومپانيانىڭ بانكتىك جانە ينۆەستيتسيالىق قىزمەتتى جۇزەگە اسىرۋعا ليتسەنزيالارى مەن وزگە دە رۇقسات قۇجاتتارى, سونداي-اق بانك وپەراتسيالارى جوق.
حالىقتان قىراعى بولۋىن جانە قارجى رەسۋرستارىن ينۆەستيتسيالاۋدى قاداعالاۋدى سۇرايمىن. قۇقىق قورعاۋ ورگاندارىنا Qnet كومپانياسى ماتەريالدىق شىعىن كەلتىرگەنى تۋرالى ارىزبەن 220-دان اسا ادام جۇگىنگەن», دەدى الماتى پد باسشىسىنىڭ ورىنباسارى.
