قازاقستان تەننيس فەدەراتسياسىنىڭ ءباسپاسوز قىزمەتىنىڭ اقپاراتى بويىنشا, ا.دانيلينا امەريكالىق ينگريد نيلمەن بىرگە باستاپقى كەزدەسۋىن ماروككولىق ياسمين كابباي مەن رەسەيلىك ەكاتەرينا كازيونوۆامەن وتكىزدى. قازاقستاندىق-امەريكالىق جۇپ ەكى سەتكە جالعاسقان ويىندا قارسىلاستارىنان 6:1, 6:2 ەسەبىمەن باسىم تۇسكەن. ءبىر ساعاتقا سوزىلعان ماتچتا ولار 11 برەيك-پوينتتىڭ تورتەۋىن پايدالانا ءبىلدى. ا.دانيلينا مەن ي.ءنيلدىڭ شيرەك فينالداعى قارسىلاستارى كەيىن انىقتالادى.
قازاقستاندىق تەننيسشى جەكەلەي سىندا دا باق سىناپ كورگەن. الايدا ىرىكتەۋ سايىستارىنىڭ فينالىندا رەسەيلىك ەكاتەرينا رەينگولدقا 5:7, 1:6 ەسەبىمەن جول بەرىپ, نەگىزگى تۋرنيرگە وتە المادى.
قازاقستاننىڭ ەرلەر اراسىنداعى ءبىرىنشى, الەمنىڭ 41-راكەتكاسى الەكساندر بۋبليك جەنەۆا ATP 250 جارىسىنىڭ العاشقى اينالىمىندا پولشا وكىلى كاميل مايچرزاكتان جەڭىلىپ قالدى – 1:6, 7:6 (7:4), 3:6.
