ايماقتار • 16 مامىر، 2022

جىر ارقاۋى – «قاناتتى قىز»

354 رەت كورسەتىلدى

قازاقتىڭ قايسار قىزىنىڭ ءبىرى – «حالىق قاھارمانى» حيۋاز دوسپانوۆا. ورالداعى مەكتەپتە وقىپ جۇرگەندە-اق اەروكلۋبتاعى كۋرستا ءتالىم الادى. وسىلايشا، ۇشاق شتۋرۆالىن مەڭگەرۋدى اڭساعان قازاق قىزى 1940 جىلى ماسكەۋدەگى جۋكوۆسكي اتىنداعى اسكەري-اۋە ۇشقىشتارىن كاسىبي تۇرعىدا وقىتاتىن جوعارى ءبىلىم ورداسىنا تۇسپەك بولادى. الايدا وقۋ ورنىنىڭ باسشىلارى مۇندا تەك ەرلەرگە جول اشىق ەكەنىن جەلەۋ ەتىپ، قازاق قىزىن كەۋدەسىنەن كەرى يتەرەدى.

وجەتتىگى دە، قازاققا ءتان قاي­سار­لىعى دا باسىم حيۋاز دوس­پا­نوۆا ماسكەۋدىڭ مەديتسي­نا­لىق ينستيتۋتىنا قۇجاتىن تاپ­سى­رىپ، وقۋعا تۇسكەن. ادام جانى­نىڭ اراشاشىسى بولۋ ءۇشىن دارىگەرلىك كاسىپتىڭ قىر-سىرىنا دەن قويعانىنا ءبىر جىل وتكەندە ەكىنشى دۇنيەجۇزىلىك سوعىس باس­تالىپ، جەر-جاھان الاساپىرانعا اينالدى. ادامزاتتىڭ ەرتەڭى ب ۇلىڭعىر تارتقان قيىن كەزەڭدە ول مايدانعا  مەدبيكە، نە سانيتار بولىپ بارۋعا سۇرانادى. مىنە، وسى ساتتە قىز-كەلىنشەكتەردىڭ اۆياپولكى قۇرىلعانىن قۇلاعى شالادى. پولك باسشىلىعىنا ورالداعى اەروكلۋبتا مەڭگەرگەن ۇشۋ داعدىلارىن وجەتتىكپەن كورسەتىپ، ۇشقىشتار قۇرامىنا قابىلداندى.

قايسار قىز ۇشقىش مارينا راسكوۆا باسقارعان 46-گۆارديالىق پولكىنىڭ قۇرامىندا 300-دەن استام اۋە شايقاسىنا قاتىستى. مايدانداستارى قازاق قىزىنىڭ ەرلىگىنە ءتانتى بولىپ، «قاناتتى قىز» اتاعان حيۋاز دوسپانوۆانىڭ تۋعانىنا 100 جىل تولدى. وسى­عان وراي اتىراۋ وبلىستىق ما­دەنيەت، تىلدەردى دامىتۋ جانە ارحيۆ ءىسى باسقارماسى مەن حالىق شىعارماشىلىعى ورتالىعى جاس اقىنداردىڭ وبلىستىق ءمۇ­شايراسىن وتكىزدى. ەكى كەزەڭنەن تۇراتىن مۇشايراعا 15 جاس اقىن قاتىستى.

– ءمۇشايرانىڭ العاشقى كە­زەڭىندە جاس اقىندار باتىردىڭ تۇلعالىق بولمىسىن، ەرلىگىن ناسيحاتتايتىن، بۇرىن جاريالانباعان شىعارماسىن ۇسىندى. ال ەكىن­شى كەزەڭدە ەل بىرلىگى مەن تا­تۋلىقتى ارقاۋ ەتكەن ولەڭ جا­زىپ بەردى. ارينە، ءار سايىس­تا وزا شاباتىندار دا، قالىس قالاتىندار دا بار. اسىرەسە، ولەڭ جازۋ ەرىككەننىڭ ەرمەگى ەمەس. اقىندىق جولدى تاڭداعاندار ولەڭنىڭ ۇيقاسىنا دا، مازمۇنىنا دا ءمان بەرۋى كەرەك. قويىلعان تالاپتى بۇلجىتپاي ورىنداۋ – نەگىزگى شارت. بۇل مۇشايراعا جاس اقىندار وسى قاعيدانى ورىن­داۋعا تىرىستى. الايدا ءالى دە شىعارماشىلىق ىزدەنىستى ەس­­كەرەتىن اقىندار كەزدەستى، – دەيدى قازاقستاننىڭ ەڭبەك سىڭىر­­گەن قايراتكەرى، قازاقستان جا­زۋشىلار وداعى اتىراۋ وب­لىستىق فيليالىنىڭ ديرەكتو­رى قويشىعۇل جىلقىشيەۆ.

اتىراۋدىڭ اقىن قىزدارىنىڭ ءبىرى باقىتگۇل باباش جاس اقىن­دارعا پوەزياداعى تالعام مەن تالاپ تۋرالى باعىت-باعدار بەردى. قازىلاردىڭ شەشىمىمەن ديانا ءىزباساروۆا مەن نۇرلىبەك اماندىقوۆ، ەركەبۇلان زي­­نە-
دەنوۆ، نۇرداۋلەت جىلقىشى ءۇشىن­شى ورىندى يەلەندى. ەكىنشى جۇل­دەگە ءازىلحان قۇرانباي مەن يمان­عالي بوگەتباي يە بولدى. ال اقتىلەك اباەۆا ءبىرىنشى ورىنعا، فاريزا جەتپىسباەۆا باس جۇلدەگە لايىق دەپ تانىلدى.

 

اتىراۋ وبلىسى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار