ساراپشىلار كەڭەسىنىڭ مۇشەلەرى اتا زاڭنىڭ 33 بابىنا ەنگىزىلەتىن تۇزەتۋلەرگە قاتىستى پىكىرلەرىن ءبىلدىرىپ, قازىرگى جۇرگىزىلىپ جاتقان ۇگىت-ناسيحات, حالىقتى اقپاراتتاندىرۋ جۇمىستارىنا كەڭىنەن توقتالدى. كەڭەس مۇشەلەرى – زاڭ عىلىمدارىنىڭ دوكتورلارى, پروفەسسورلار ەسبەرگەن الاۋحانوۆ پەن رايسا يۋرچەنكو قىلمىستىق كودەكستىڭ 11-بابىندا كورسەتىلگەن ءولىم جازاسىنا تىيىم سالىنعانىن اتاپ ءوتىپ, مۇنداي جازا تۇرىنەن كوپتەگەن الەم ەلدەرىنىڭ باس تارتقانىن العا تارتتى.
«اۋىر قىلمىس جاساعان ادامدار ءومىر بويىنا باس بوستاندىعىنان ايىرىلادى. بۇل زاڭداعى ەڭ اۋىر جازا بولىپ قالا بەرەدى. مۇنداي جازاعا تارتىلعانداردى مەرزىمىنەن بۇرىن شارتتى تۇردە بوساتۋعا تىيىم سالىنادى. قازىر قوعام وزگەردى. سايكەسىنشە زاڭ دا وزگەرەدى. ءبىز زايىرلى, قۇقىقتىق مەملەكەتپىز. اتا زاڭىمىزدا كورسەتىلگەندەي قوعامنىڭ ءاربىر مۇشەسىنىڭ قۇقىقتىق ساۋاتى, قۇقىقتىق مادەنيەتى وتە جوعارى بولۋى كەرەك», دەدى ەسبەرگەن الاۋحانوۆ. سونىمەن قاتار, ساراپشىلار كونستيتۋتسياعا ەنگىزىلەتىن وزگەرىستەر ىشىندە كونستيتۋتسيالىق, جوعارى جانە دە وزگە سۋديالارعا ورتالىق سايلاۋ كوميسسياسىنىڭ مۇشەسى جانە توراعاسى بولۋعا, اسكەري, ۇلتتىق قاۋىپسىزدىك قىزمەتكەرلەرى, قۇقىق قورعاۋ ورگاندارىندا قىزمەت ەتەتىندەرگە ساياسي پارتيالارعا كىرۋگە, كاسىبي وداقتارعا تىركەلۋگە, ساياسي پارتيانىڭ ۇگىت-ناسيحات جۇمىسىنا قاتىسۋعا تىيىم سالىناتىندىعىن ايتىپ, وسى وزگەرىستەرگە قاتىستى وي-پىكىرلەرىن ءبىلدىردى.
جيىن سوڭىندا ادام قۇقىقتارى جونىندەگى كوميسسيانىڭ مۇشەلەرى مەن ساراپشىلارى مەملەكەت باسشىسىنىڭ ماقۇلداعان زاڭ جوباسىن وسى جىلدىڭ 5 ماۋسىمىندا وتەتىن رەسپۋبليكالىق رەفەرەندۋمعا شىعارۋ تۋرالى شەشىمىن ءبىراۋىزدان قولدادى.
دوڭگەلەك ۇستەل جۇمىسىنا سونداي-اق مەملەكەتتىك ورگاندار, ۇكىمەتتىك ەمەس جانە حالىقارالىق ۇيىمداردىڭ, جوعارى وقۋ ورىندارى مەن قازاقستاننىڭ عىلىمي قوعامداستىعىنىڭ وكىلدەرى قاتىستى.
