قازاقستان • 13 مامىر، 2022

«التىنكول-جول» كەدەن بەكەتىندە قاۋىپتى قالدىقتاردى زاڭسىز الىپ ءوتۋ فاكتىسىنىڭ جولى كەسىلدى

18 رەت كورسەتىلدى

الماتى وبلىسى بويىنشا مەملەكەتتىك كىرىستەر دەپارتامەنتىنىڭ «التىنكول-جول» كەدەن بەكەتىندە پايدالانىلعان اۆتوموكولىك شينالارىن زاڭسىز الىپ ءوتۋ فاكتىسى تىركەلدى، دەپ جازادى Egemen.kz قر قم مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ. 

تەمىر جول كولىك قۇرالدارىندا كەدەندىك تەكسەرىپ قاراۋدى جۇرگىزۋ كەزىندە مەملەكەتتىك كىرىستەر ورگاندارىنىڭ قىزمەتكەرلەرىمەن دەكلاراتسيالانباعان تاۋارلار – جالپى سانى 3 365 بىرلىك، جالپى سالماعى 29 267 كگ «بۇرىن پايدالانىلعان اۆتوكولىك شينالارى» تابىلدى.

2015 جىلعى 21 ساۋىردەگى №30 ەۋرازيالىق ەكونوميكالىق كوميسسيا القاسىنىڭ «تاريفتىك ەمەس رەتتەۋ شارالارى تۋرالى» شەشىمىنە سايكەس، اتالعان شينالاردى ەۋرازيالىق ەكونوميكالىق وداقتىڭ اۋماعى ارقىلى الىپ وتۋگە تىيىم سالىنادى.

وسىلايشا، بۇرىن قولدانىستا بولعان پنەۆماتيكالىق شينالار مەن شينالار ءتىزىمنىڭ 2،3 تىزىمىندە – قاۋىپتى قالدىقتار رەتىندە كورسەتىلىپ، ولاردى ەۋرازيالىق ەكونوميكالىق وداقتىڭ كەدەندىك اۋماعىنا/اۋماعىنان اكەلۋ/اكەتۋ ليتسەنزيا نەگىزىندە جۇزەگە اسىرىلادى.

سوڭعى جاڭالىقتار

ۇقساس جاڭالىقتار