ايماقتار • 13 مامىر، 2022

بيىل اتىراۋدا 230 كوشەگە اۆتوكولىك جولى سالىنادى

15 رەت كورسەتىلدى

بيىل وڭىردە وبلىستىق جانە اۋداندىق ماڭىزى بار جولداردىڭ جاقسى جانە قاناعاتتانارلىق جاعدايىن 70%-عا جەتكىزۋ جوسپارلانىپ وتىر. بۇل تۋرالى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ ءبولىم باسشىسى قۋانىشبەك قابدىعالي ءمالىم ەتتى، دەپ حابارلايدى Egemen.kz اتىراۋ وبلىسى وڭىرلىك كوممۋنيكاتسيالار قىزمەتىنە سىلتەمە جاساپ.

- بيىل جىل اياعىنا دەيىن 37 ەلدى مەكەندە 200 شاقىرىمنان استام اۆتوموبيل جولدارىن جوندەۋ جوسپارلانىپ وتىر. بۇگىنگى تاڭدا وبلىستىق ماڭىزى بار «يندەر-قاراباۋ» اۆتوموبيل جولىنىڭ  87 شاقىرىمىن  قايتا جاڭعىرتۋ جۇمىستارى جۇرگىزىلىپ جاتىر. قازىر اتالعان جولدىڭ 31،5 شىقىرىمى قايتا جاڭعىرتىلدى. سونىمەن قاتار «گانيۋشكينو-پريمورە-ۋتەرى-كوتياەۆكا» اۆتوموبيل جولىن كۇردەلى جوندەۋ جۇمىستارى جۇرگىزىلۋدە، - دەدى ق. قابدىعالي.

سونداي-اق ونىڭ ايتۋىنشا، قىزىلقوعا اۋدانى تايسوعان سەلوسىنا كىرمە جولىن، «7 رازەزد-اسان-ازعىر-بالقۇدىق-سۇيىندىك» اۆتوموبيل جولىن ورتاشا جوندەۋ جانە «ميالى-ويىل» اۆتوموبيل جولىن كۇردەلى جوندەۋ جوبالارى جاساقتالۋدا.

،

وعان قوسا، ول وسى جىلى يساتاي اۋدانىنىنىڭ جانباي جانە يساتاي اۋىلدارى، قۇرمانعازى اۋدانىنىڭ نۇرجاۋ، ماحامبەت اۋدانىنىڭ سارىتوعاي، ماقات اۋدانى ماقات، دوسسور جانە بايگەتوبە اۋىلىنىڭ اۋىلىشىلىك، كىرمە جولدارى مەن جاياۋ جۇرگىنشىلەر جولدارى قايتا جاڭعىرتىلىپ جاتقانىن ايتتى.

ال، اتىراۋ قالالىق تۇرعىن ءۇي كوممۋنالدىق شارۋاشىلىعى، جولاۋشىلار كولىگى جانە اۆتوكولىك جولدارى ءبولىمىنىڭ باس مامانى ەرجان قاينوللاەۆ بيىل اتىراۋ قالاسىندا جول كەپتەلىسىنىڭ الدىن الۋ ماقساتىمەن 21،1 شاقىرىمدى قۇرايتىن بەس كوشەنىڭ تاس جولدارى قايتا جاسالاتىنىن ايتتى. 

،

ە.حاينوللاەۆتىڭ مالىمدەۋىنشە، بۇگىنگى تاڭدا اۋەزوۆ كوشەسىنىڭ 2،8 شاقىرىمى، بالىقشى ىقشام اۋدانى - زاروسلىي ارالىعىنداعى 5،7 شاقىرىمىنداعى كوشەلەرىندە جول قۇرىلىسى جۇمىستارى جۇرگىزىلۋدە.

- وسى جىلى ەركىنقالا-2، زاروسلىي-1، راكۋشا، بالاۋسا ىقشام اۋداندارى مەن قالاداعى باسقا دا مولتەك اۋداندار بويىنشا جالپى العاندا ۇزىندىعى 135،8 شاقىرىمدى قۇرايتىن 230 كوشەگە جاڭادان اسفالت جول توسەۋ جۇمىستارى جۇرگىزىلىپ جاتىر، - دەدى ە.حاينوللاەۆ.

سونداي-اق باس مامان بيىل 25 مىڭ شارشى مەتردەي كولىك جولدارىنىڭ ويىق، شۇڭقىرلارىن جوندەۋ جۇمىسى قولعا الىنىپ جاتقانىن ايتىپ ءوتتى.

سوڭعى جاڭالىقتار

ۇقساس جاڭالىقتار