ناقتى كومەك ءۇشىن ريزاشىلىق

مەملەكەت باسشىسىنىڭ اتىنا الماتى وبلىسىنىڭ شاعىن جانە ورتا بيزنەس وكىلدەرىنەن حاتتار مەن جەدەلحاتتار كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ءوز حاتتارىندا كاسىپكەرلەر مەملەكەت باسشىسىنا «قازاقستان رەسپۋبليكاسىندا كاسىپكەرلىك قىزمەت ءۇشىن جاعدايدى جاقسارتۋ جونىندەگى تۇبەگەيلى شارالار تۋرالى» جارلىققا قول قويعانى, وعان سايكەس 2014 جىلعى 2 ساۋىردەن 2015 جىلعى 1 قاڭتارعا دەيىن شاعىن جانە ورتا بيزنەس سۋبەكتىلەرىنە تەك­سەرىس جۇرگىزۋگە موراتوري جا­ريا­لانعانى ءۇشىن العىستارىن ءبىل­دىرگەن. كاسىپكەرلەر پالاتاسىنىڭ سار­قاند اۋدانى بويىنشا فيليالىنىڭ ديرەكتورى ف.ابدراحيموۆ جوسپارلى تەكسەرىس تاجىريبەسى الىنىپ تاستالعانى جانە بيزنەستى ءجۇر­گى­زۋگە جاسالعان ناقتى كومەك ءۇشىن ري­زاشىلىعىن بىلدىرەدى. كاسىپكەر س.ماحامەتوۆا بيزنەس­كە كورسەتىلگەن قامقورلىق ءۇشىن العىس ايتادى. «بۇل – بار كۇش-جىگەرىڭدى تو­لىعىمەن بيزنەستى دامىتۋعا جۇم­سايتىن كەزەڭ, ويتكەنى, تەكسەرىس كەزىندە تالاپ ەتىلەتىندەي كوپتەگەن قاجەتتى قۇجاتتاردى جيناقتاۋعا ۋاقىتىمىز كەتپەيدى», – دەپ جازا­دى اۆتور. ءوز كەزەگىندە ق.شەڭگەلباەۆ مەملەكەت باسشىسىنىڭ جارلىعى وتاندىق بيزنەستىڭ ىشكى جانە سىرتقى ەكونوميكالىق باسەكەگە قا­بى­لەتتىلىگىن ارتتىرۋعا سەپتىگىن تيگى­زەتىنىن اتاپ وتكەن. سونداي-اق, وزدەرى جولداعان حاتتا شاعىن جانە ورتا بيزنەس ءۇشىن جاعدايدىڭ ۇدايى جاق­سا­­رىپ كەلە جاتقانىنا وبلىس كا­سىپ­كەرلەرى ج.كابيەۆ, س.بازار­باەۆ, ە.نۇرداۋلەتوۆ, س.قاليە­ۆا, ا.كەڭەس, ا.بايبولوۆا, م.ەس­كەن­دى­رو­ۆا, ءا.دايىربەكوۆا العىس­تارىن ايتقان.