الەم • 13 مامىر، 2022

كۋبادا قوناقۇي جارىلىسىنان قايتىس بولعاندار سانى 44-كە جەتتى

15 رەت كورسەتىلدى

گاۆانا قالاسىنداعى Saratoga قوناقۇيىندە بولعان جارىلىستان قازا تاپقاندار سانى 44-كە جەتتى، تاعى 16 ادام اۋرۋحانادا جاتىر، ونىڭ التاۋى اۋىر حالدە، دەپ حابارلايدى Egemen.kz Kaz.tengritravel.kz-كە سىلتەمە جاساپ.

«12 مامىرداعى جاعداي بويىنشا، 98 ادام زارداپ شەككەن، ونىڭ 16-سى اۋرۋحاناعا جاتقىزىلعان، 38 ادام اۋرۋحانادان شىعارىلدى جانە 44 ادام قايتىس بولدى»، دەلىنگەن مينيسترلىكتىڭ Telegram-كانالىندا. 

اۋىر حالدە جاتقان التى ادامنىڭ ەكەۋى بالا. جالپى كامەلەتكە تولماعان ءتورت بالا اۋرۋحاناعا جاتقىزىلعان. 

ەسكە سالا كەتەيىك، وتكەن اپتادا گاۆانالىق Saratoga قوناقۇيىندە تاڭعى ۋاقىتتا جارىلىس بولدى. جارىلىستىڭ سالدارىنان قوناقۇي جانىنداعى 17 عيمارات زاقىمدالعان، ونىڭ ىشىندە مەكتەپ تە بار. جارىلىس بولجاممەن گاز تولى تسيستەرنانىڭ تۇتانۋىنان بولعان. بيلىك بۇل جاعدايدى جازاتايىم وقيعا دەپ اتادى.

ايانا توعانبەك

سوڭعى جاڭالىقتار

ۇقساس جاڭالىقتار