بيزنەس • 12 مامىر، 2022

گەرمانيانىڭ رەسەيدەگى كاسىپورىندارى قازاقستانعا كوشىرىلۋى مۇمكىن

2272 رەت كورسەتىلدى

گەرمانيانىڭ ءىرى بيزنەس وكىلدەرى رەسەيدەگى كاسىپورىندارىن قازاقستانعا كوشىرۋگە نيەتتى. بۇل تۋرالى گەرمان ەكونوميكاسى شىعىس كوميتەتىنىڭ باسقارۋشى ديرەكتورى ميحاەل حارمس مالىمدەدى، دەپ حابارلايدى Egemen.kz.

«قازىردىڭ وزىندە رەسەيدەن قازاقستانعا، ورتالىق ازياعا باعدار جاساپ وتىرعان كومپانيالار جايىندا ەستىپ جاتىرمىز. گەرمان كومپانيالارىنىڭ رەسەيدەن قازاقستانعا قونىس اۋدارۋدى جوسپارلاپ وتىرعانىن دا بىلەمىز. كەيبىرەۋلەردىڭ رەسەيدە سەرىكتەستەرى بولدى جانە ەندى ولار قازاقستاننىڭ مۇمكىندىكتەرىن قولدانعىلارى، قازاقستان نارىعىندا سەرىكتەس تاپقىلارى كەلەدى»، دەدى ول ەلوردادا وتكەن قازاقستان-گەرمان بيزنەس فورۋمىندا.

ول، سونداي-اق قازاقستاننىڭ كاسىپكەرلىك الەۋەتى زور ەكەندىگىن، ونى گەرمان بيزنەسى دە مويىندايتىنىن ايتتى.

«تاياۋ ۋاقىتتا ۇلكەن وزگەرىستەر بولاتىندىعىن كورىپ وتىرمىز. مەن گەرمان بيزنەسىن بىزگە قوسىلۋعا شاقىرامىن. كوپتەگەن كومپانيا قازىردىڭ وزىندە بىزگە جۇگىنىپ جاتىر. بۇل قازاقستاندا جۇمىس ىستەۋ مۇمكىندىگىن قاراستىرىپ وتىرعان بارلىق گەرمان كومپانياسى ءۇشىن جاقسى بەلگى»، دەپ قوستى ميحاەل حارمس.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار