وزبەكستان باسشىسى الەمدىك نارىقتا ازىق-ت ۇلىك باعاسىنىڭ كۇرت ءوسۋى اياسىندا حالىقارالىق بيرجالاردا بيدايدىڭ ءبىر تونناسىنىڭ باعاسى 400 دوللاردان ساتىلىپ جاتقانىن, بۇل جىل باسىنداعى كورسەتكىشتەن 30 پايىزعا جوعارى ەكەنىن اتاپ ءوتتى. ول استىق وندىرۋشىلەرگە دە, وڭدەۋشىلەرگە دە پايدا اكەلمەيتىن مەملەكەتتىك استىق كاسىپورىندارىنىڭ ەسكى جۇمىس جۇيەسىن سىنعا الدى.
«1 ماۋسىمنان باستاپ بارلىق قاجەتتى ۇيىمداستىرۋ جۇمىستارى اياقتالعاننان كەيىن مەملەكەت استىقتى ساتىپ الۋ جانە وتكىزۋ كەزىندە نارىقتىق باعاعا كوشۋ جۇرگىزىلەدى. مەملەكەت شارۋالار مەن كلاستەرلەردىڭ استىقتى بيرجاعا شىعارۋى ءۇشىن بارلىق جاعدايدى جاسايدى. مەملەكەت قاجەتى ءۇشىن ساتىپ الىنعان 1 توننا بيدايدىڭ باعاسى بىلتىرعى 1,55 ميلليوننان بيىلعى ءونىم ءۇشىن 3 ميلليون سۋمعا كوتەرىلەدى», دەدى شاۆكات ميرزيوەۆ.
