«ساۋىردە جاھاندىق قارجى نارىقتارىنداعى قۇبىلمالىلىقتىڭ جالعاسۋىنا قاراماستان, تەڭگە باعامى 1 اقش دوللارى ءۇشىن 445,62 تەڭگەگە دەيىن نەمەسە 4,6%-عا نىعايدى. ساۋىردە شەتەل ۆاليۋتاسىنا سۇرانىستىڭ ايتارلىقتاي ازايۋى بايقالدى. قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى 179 ملن اقش دوللارىنان 92 ملن اقش دوللارىنا دەيىن ازايدى. ۆاليۋتا نارىعىنا كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋعا قولداۋ كورسەتتى. ولاردىڭ كولەمى ساۋىردە شامامەن 253,2 ملن اقش دوللارىن قۇرادى. رەسپۋبليكالىق بيۋدجەتكە بەرىلەتىن ترانسفەرتتەردى قامتاماسىز ەتۋ ءۇشىن ساۋىردە ۇلتتىق قوردان 168,3 ملن اقش دوللارى ساتىلدى. ۇلتتىق قوردان ساتۋدىڭ ۇلەسى ساۋدا-ساتتىقتىڭ جالپى كولەمىنىڭ 8,7%-ىن قۇرادى», دەدى ۇلتتىق بانك باسشىسى.
ع. ءپىرماتوۆتىڭ ايتۋىنا قاراعاندا, ىشكى ۆاليۋتا نارىعىنداعى جاعداي تۇراقتالعاندىقتان ۇلتتىق بانك ءساۋىر ايىندا ۆاليۋتالىق ينتەرۆەنتسيالاردى جۇرگىزبەگەن.
«قىسقا مەرزىمدى پەرسپەكتيۆادا گەوساياسي جاعدايدىڭ بەلگىسىزدىگىنەن تەڭگەنىڭ قۇبىلمالىلىق تاۋەكەلى ساقتالادى. ۇلتتىق بانك تەڭگەرىمسىزدىكتىڭ جيناقتالۋىنا جول بەرمەيتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن ەركىن باعام رەجيمىن ۇستانۋدى جالعاستىرادى», دەدى ۇلتتىق بانك توراعاسى.
