«ينفلياتسيانىڭ سىرتقى جانە ىشكى فاكتورلارى باعانىڭ ءوسۋ جاعىنا قاراي قىسىمدى كۇشەيتىپ كەلەدى. الەمدە ينفلياتسيالىق قىسىم گەوساياسي شيەلەنىستىڭ سالدارىنان كۇشەيىپ وتىر. ول جايت تاۋار جەتكىزىلىمىندەگى پروبلەمالاردى ۋشىقتىرا ءتۇستى. ازىق-ت ۇلىكتىڭ الەمدىك باعاسى جوعارى دەڭگەيدە ساقتالىپ وتىر. شيكىزات پەن ماتەريالدار قۇنى تۇراقتى تۇردە وسكەندىكتەن, دايىن ءونىم دە جاپپاي قىمباتتادى», دەدى ۇلتتىق بانك باسشىسى.
ونىڭ مالىمەتى بويىنشا, مەملەكەتتىك باعالى قاعازداردىڭ كىرىستىلىگى وسكەن. سونداي-اق ول اقش فەدەرالدى رەزەرۆ جۇيەسىنەن كەيىن ەۋروپا ورتالىق بانكى دە شىلدە ايىندا مولشەرلەمەلەردى كوتەرۋى مۇمكىن ەكەنىن اتاپ ءوتتى.
«نارىقتىڭ بولجامدارى بويىنشا, ەۋروپا ورتالىق بانكىنىڭ دەپوزيت مولشەرلەمەسىن 2022 جىلدىڭ سوڭىنا قاراي 0,5%-دان وڭ مانگە دەيىن, ال 2023 جىلى 1%-دان جوعارى كوتەرەدى. انگليانىڭ ورتالىق بانكى مامىردا مولشەرلەمەنى 25 بازيستىك تارماققا 1%-عا دەيىن كوتەردى. ينفلياتسيالىق بولجامداردىڭ ۇزاق ۋاقىت بويى ماقساتتان اۋىتقۋ قاۋپى ورتالىق بانكتەردى مونەتارلىق ساياساتتى اگرەسسيۆتى تۇردە كۇشەيتۋگە يتەرمەلەيدى. گەوساياسي تاۋەكەلدەردىڭ ورىن الۋى جانە اقش فەدەرالدى رەزەرۆ جۇيەسىنىڭ مونەتارلىق ساياساتتى كۇشەيتۋى جىل باسىنان بەرى اقش دوللارى يندەكسىنىڭ 7,6%-عا وسۋىنە سەبەپ بولدى», دەدى ع. ءپىرماتوۆ.
