بايقاۋدىڭ ءبىرىنشى كەزەڭىندە سپورتتىق سىناقتار وتكىزىلىپ, قارۋ قولدانۋ دايارلىعى, جۇگىرۋ جىلدامدىعى, قول قايراتى, تيردەگى نىسانانى اتۋ دالدىگى سىنالدى. قالعان كەزەڭدەر – ينتەللەكتۋالدىق جانە شىعارماشىلىق باعىتقا ارنالدى. ء«وزىن تانىستىرۋ», ء«ۇي تاپسىرماسى», ونەر جانە سۇراق-جاۋاپ سىناقتارىنا قاتىسۋشىلار مۇقيات دايىندالعاندىعىن كورسەتتى.
بايقاۋعا وبلىستىق پوليتسيا اپپاراتى جەتەكشى بولىنىستەرىنىڭ قىزمەتكەرلەرى قاتىستى. جەدەل ۋاكىلدەر, تەرگەۋشى, كريميناليست, ايداۋىل, كۇزەت پوليتسەيى – ءبار-ءبارىنىڭ اراسىنان سىناققا قاتىسۋشىلار بولدى. قازىلار القاسىنىڭ قۇرامىندا «قازاق ءتىلى» حالىقارالىق قوعامى وبلىستىق فيليالىنىڭ توراعاسى جانات مۇحامەدجانوۆ, وبلىس اكىمدىگىنىڭ مادەنيەت, تىلدەردى دامىتۋ جانە مۇراعات ءىسى باسقارماسىنىڭ باس مامانى فاريدا تۇياقوۆا, سقو پد جانە ۇلتتىق ۇلانى ارداگەرلەر كەڭەسىنىڭ توراعاسى اقان سىزدىقوۆ, سقو پد باستىعىنىڭ ورىنباسارى پوليتسيا پولكوۆنيگى ساۋلە انداعۇلوۆا بولدى.
جەكە ونەرىن كورسەتكەندەر اراسىندا جەدەل-كريميناليستيكالىق باسقارماسىنىڭ كريميناليسى, پوليتسيا مايورى نيازبەك قوجاحمەتوۆ كورەرمەن قاۋىمدى تاڭعالدىردى. ول ءورىم ونەرىن بالا كەزىنەن ۇيرەنگەن ەكەن, قازىلار الدىندا قامشىنى قىسقا مەرزىمدە شەبەر ءورىپ بەردى. سونىمەن بىرگە ءورىم ادىستەرى تۋرالى, قامشىنى پايدالانۋ ىرىمدارى تۋرالى دا قىسقاشا باياندادى.
ءان ورىنداۋدا اعا جەدەل ۋاكىل, پوليتسيا مايورى رينات ىبراەۆ «وتان انا» ءانىن ەرەكشە ايتىپ, كورەرمەندەردىڭ قوشەمەتىنە بولەندى. «جىگىت سۇلتانى» بايقاۋىنىڭ قورىتىندىسى بويىنشا «ونەرلى جىگىت» نوميناتسياسىندا اعا جەدەل ۋاكىل, پوليتسيا مايورى رينات ىبراەۆ ۇزدىك دەپ تانىلدى. ء«بىلىمدى مىڭدى جىعار» نوميناتسياسى بويىنشا تەرگەۋ باسقارماسىنىڭ تەرگەۋشىسى, پوليتسيا اعا لەيتەنانتى ءادىل شۇعاەۆ, «جەڭىسكە دەگەن جىگەرى ءۇشىن» نوميناتسياسى بويىنشا جەدەل ۋاكىل, پوليتسيا كاپيتانى جاستىلەك ەسداۋلەتوۆ, «سەگىز قىرلى, ءبىر سىرلى» نوميناتسياسى بويىنشا تىلدىق قامتاماسىز ەتۋ باسقارماسىنىڭ پوليتسەيى, پوليتسيا سەرجانتى باحتيار اۋباكىروۆ جەڭىمپاز دەپ تانىلدى. ۇزدىك شىققاندارعا سىيلىقتاردى پد باستىعى, پوليتسيا پولكوۆنيگى ايدىن قابدىلدينوۆ تاپسىردى.
پەتروپاۆل
