«اكتسيانىڭ ماقساتى – قارۋمەن جاسالاتىن قىلمىستاردىڭ الدىن الىپ, قوعامدىق قاۋىپسىزدىكتى قامتاماسىز ەتۋ. ونىڭ اياسىندا قۇرمانعازى اۋداندىق پوليتسيا بولىمىنە 8 ادام ەرىكتى تۇردە زاڭسىز ساقتالعان 9 اتىس قارۋىن سىياقى الۋ ءۇشىن تاپسىردى. ونىڭ ىشىندە 1892 جىلى شىعارىلعان «موسينا» ماركالى ۆينتوۆكاسى دا بار. ال, «شپاگين» پۋلەمەت تاپانشاسى 1944 جىلى زاۋىتتان شىعارىلعانى انىقتالدى. مۇنداي ەسكى قارۋلاردى اتالاردان قالعان كوز رەتىندە ساقتاپ, كەيىنگى ۇرپاققا مۇراعا قالدىرۋدى كوزدەيتىندەر بار. الايدا, بۇل - قارۋدى زاڭسىز ساقتاۋ جولى ەكەنىن ۇمىتپاۋ كەرەك. زاڭسىز ساقتالعان اتىس قارۋلار مەن وق-دارىلەردى ىشكى ىستەر ورگاندارىنا ءوز ەركىمەن تاپسىرعان ازاماتتار قىلمىستىق, اكىمشىلىك جاۋاپكەرشىلىككە تارتىلمايدى», دەپ حابارلادى دەپارتامەنتتىڭ ءباسپاسوز قىزمەتى.
وسى ورايدا, پوليتسيا قىزمەتكەرلەرى ادام ومىرىنە قاۋىپ ءتوندىرۋ, زاقىمدانۋ نەمەسە جاراقاتتانۋدى بولدىرماۋ ءۇشىن كەزدەيسوق تابىلعان جارىلعىش زاتتاردى وزدىگىنەن تاسىمالداماي, «102» تەلەفونى ارقىلى حابارلاۋ قاجەتتىگىن قاپەرگە سالادى.
