مەملەكەت باسشىسى قاسىم-جومارت توقاەۆتىڭ جولداۋىندا كورسەتىلگەن تاپسىرمالارعا سايكەس, سەرۆيستىك مودەل نەگىزىندە پوليتسيا قىزمەتىن قالىپتاستىرۋ جانە دامىتۋ جۇمىستارى ءۇشىنشى مەگاپوليستە قارقىندى جۇرگىزىلۋدە. جيىن بارىسىندا مارات قوجاەۆ قۇقىق ءتارتىبى سالاسىنداعى ماسەلەلەردى بىرلەسىپ انىقتاۋ جانە شەشۋ ءۇشىن ىشكى ىستەر ورگاندارى قىزمەتكەرلەرىنىڭ ازاماتتارمەن ءتيىمدى ارىپتەستىك قارىم-قاتىناس ورناتۋىنا نازار اۋداردى. سونداي-اق, ۆيتسە-مينيستر سەرۆيستىك پوليتسيا, ەڭ الدىمەن, مەملەكەتتىك ورگان جۇمىسىنىڭ «قادامدىق» قولجەتىمدىلىگىن, اشىقتىعى مەن ناتيجەلىلىگىن قامتاماسىز ەتۋگە باعىتتالعانىن اتاپ ءوتتى. اكىمشىلىك پوليتسيا كوميتەتىنىڭ توراعاسى پوليتسيا گەنەرال-مايورى اتىعاي ارىستانوۆ جول قاۋىپسىزدىگىن قامتاماسىز ەتۋ جۇمىستارىنا توقتالدى. بۇل باعىتتا پاترۋلدىك پوليتسەيلەر ءۇشىن جول قوزعالىسى ەرەجەلەرى بويىنشا ەمتيحاندارىن وتكىزۋ ۇسىنىلدى, ويتكەنى جۇرگىزۋشىلەر تاراپىنان بۇزۋشىلىقتاردى انىقتاۋ ءۇشىن قىزمەتكەردىڭ ءوزى وسى ەرەجەلەردى جاقسى ءبىلۋى كەرەك. سونداي-اق, وزىندىك قاۋىپسىزدىك دەپارتامەنتىنىڭ باستىعى سەرۆيستىك پوليتسيا مودەلىن دامىتۋدا پوليتسيا قاتارىنداعى سىبايلاس جەمقورلىققا قارسى ساياساتقا دا اسا كوڭىل بولىنەتىنىن ايتتى.
پوليتسيانىڭ سەرۆيستىك مودەل بويىنشا قىزمەت كورسەتۋىن كەڭەيتۋ ماقساتىنداعى جۇمىس ساپارى بارىسىندا ۆيتسە-مينيستر قاۋىپسىزدىكتى قامتاماسىز ەتۋدىڭ سەرۆيستىك ءتاسىلىن ەنگىزۋ جونىندەگى قالا اكىمىنىڭ وكىمىمەن قۇرىلعان پوليتسيا, اكىمدىك, پروكۋراتۋرا, ءبىلىم جانە دەنساۋلىق ساقتاۋ باسقارمالارىنىڭ قىزمەتكەرلەرىنەن قۇرىلعان ۆەدومستۆوارالىق توپتىڭ مۇشەلەرىمەن كەزدەستى. توپ جەتەكشىسى اتقارىلعان جۇمىستار تۋرالى بايانداما وقىپ, پيلوتتىق جوبا ءۇشىن ءبىرىنشى اۋماق رەتىندە «مجك» جانە «يۋبيلەينىي» ىقشام اۋداندارى تاڭدالعانىن ايتتى. تۇرعىندارمەن 22 جۇمىس كەزدەسۋلەرى, ساۋالنامالار وتكىزىلگەن. جەرگىلىكتى حالىقتى تولعاندىراتىن ماسەلەلەر بار 3 مىڭنان استام ءانونيمدى ساۋالناما جينالعان. ءى.جانسۇگىروۆ كوشەسى بويىندا ءتۇرلى جۇمىسشىلاردىڭ اپاتتىق جاعدايدىڭ الدىن الۋ ماقساتىندا ءتۇسىندىرۋ سۇحباتى جۇرگىزىلىپ, بوس ورىندار جارمەڭكەسى ۇيىمداستىرىلعان. ەسەپتە تۇرعاندارمەن جۇمىس كۇشەيتىلگەن. سپورتشىلارمەن بىرلەسە «ناشاقورلىققا جول جوق!» ناۋقانى وتكىزىلگەن. ناتيجەسىندە پيلوتتىق اۋماقتا تىركەلگەن قىلمىستار سانى 28%-عا ازايعان, كريمينوگەندىك جاعدايدىڭ وڭ باعىتتا وزگەرگەنى بايقالعان.
جۇمىس ساپارى اياسىندا ءمينيستردىڭ ورىنباسارى مەن ءىىم بولىنىستەرىنىڭ باستىقتارى, دەپارتامەنتتىڭ جەدەل باسقارۋ, احۋالدىق-اناليتيكالىق ورتالىقتارىنىڭ جۇمىسىمەن تانىستى.
