ءموبيلدى قوسىمشادا ايماقتارداعى بوس جۇمىس ورىندارىنا قاتىستى مالىمەت بولادى دەگەن جوسپار بار.
جوبانىڭ نەگىزگى ماقساتى – جاستارعا بولاشاق ماماندىعىن تاڭداۋعا كومەكتەسۋ جانە كاسىبي تۇرعىدا باعىت بەرۋ. جاستار ەڭبەك نارىعىنداعى وزگەرىستەر مەن قانداي ماماندىقتارعا سۇرانىستىڭ بار ەكەنىن ءبىلىپ وتىرادى.
قازاقستان ستۋدەنتتەرى اليانسىنىڭ پرەزيدەنتى ءىلياس تۇستىكباەۆتىڭ ايتۋىنشا, تالاپكەرلەر ءموبيلدى قوسىمشادا بارلىق قاجەتتى اقپاراتتى تابا الادى.
«بىزگە تالاپكەرلەر تاراپىنان جوعارۋ وقۋ ورىندارى مەن كوللەدجدەردىڭ سايتتارىنا قاتىستى شاعىم ءجيى تۇسەدى. جاستار قاجەتتى اقپاراتتى تابا الماي جاتادى, كەيبىر سايتتار ىڭعايسىز, كەرەك نارسەنى تابۋ قيىن. وسىنى ەسكەرە وتىرىپ, جاڭا قوسىمشانىڭ ازىرلەۋدى شەشتىك. ول جەردە جوعارى وقۋ ورىندارى, كوللەدجدەر, مەملەكەتتىك جانە ءبىلىم بەرۋ گرانتتارى, ستيپەنديالار, سونداي-اق, بوس جۇمىس ورىندارى تۋرالى اقپارات بولادى», دەيدى ءى.تۇستىكباەۆ.
جاڭا ءموبيلدى قوسىمشانى ازىرلەۋ جۇمىستارىنا «اتامەكەن» ۇكپ, ءبىلىم جانە عىلىم مينيسترلىگى, ۋنيۆەرسيتەتتەر, كوللەدجدەر, ءبىلىم باسقارمالارى مەن ايماقتىق جۇمىسپەن قامتۋ ورتالىقتارى تارتىلدى.
قوسىمشا قازاق جانە ورىس تىلدەرىندە بولادى. ونى بىرنەشە ايدىڭ ىشىندە ىسكە قوسۋ جوسپارلانىپ وتىر.
