قوعام • 08 مامىر، 2022

ارداگەردى مەرەكەمەن قۇتتىقتادى

63 رەت كورسەتىلدى

«ەگەمەن قازاقستان» رەسپۋب­ليكا­لىق گازەتىنىڭ باسشىسى دارحان قىدىرالى ابىز باسىلىمدا ايشىق­تى ەڭبەك ەتكەن تىل ارداگەرى الما­تىلىق حاميت بىرجانوۆقا ارنايى بارىپ، ايتۋلى مەرەكەسىمەن قۇتتىقتادى.

جالىندى جاستىق شاعى ەل باسىنا قاتەر تونگەن قيلى كەزەڭمەن تۇسپا-تۇس كەلگەن حاميت قاريا تالاي تاريحتىڭ كوزى ءتىرى كۋاگەرى.

بەينەتپەن بەلدەسە ءجۇرىپ بۋىنى بە­كىگەن ونىڭ تاعدىرىنا قيلى كۇندەردىڭ شەجىرەسىن، ۋاقىت ءۇنىن قالام-قۋاتىمەن بۇگىنگە جەتكىزۋ بۇيىرعان. ەلۋىنشى جىلدارى ەل گازەتىندە جەمىستى ەڭبەك ەتكەن ارداگەر سول سۇراپىل جىلدار تۋرالى: «تاڭاتپاي تۇرىپ تابانىمىزدان سىز ءوتىپ ءجۇرىپ، سوقامەن جەر جىرتتىق، تالاي بەينەت پەن قيىندىق كوردىك»، دەپ ەسكە الادى. وسىنى العا تارتقان «ەگەمەن» باسشىسى قازىنالى قاريانى مەرەكەسىمەن قۇتتىقتاپ، جەڭىستى جاقىنداتۋعا قوسقان ۇلەسى كەيىنگىلەر ءۇشىن ولمەس ونەگە ەكەنىن، باسىلىم ۇجىمى ەڭ­بەك­تەگى ەرلىگىنە قۇرمەتپەن قارايتىنىن ايتىپ، وتباسىنا اماندىق تىلەدى.

ەڭبەگى ەلگە مۇرا، ۇرپاققا ۇران بولعان مايدانگەرلەرمەن تەڭەستىرىلىپ، ەل دامۋىنا ەكپىن بەرەتىن سان سالادا قاجىرلى ەڭبەك ەتكەن حاميت اقساقال كۇنى بۇگىنگە دەيىن قوعامدىق جۇمىسقا بەلسەنە ارالا­سىپ كەلدى. ءوز كاسىبىنە ادال ازامات باس با­سىلىمنىڭ قوستانايداعى ءتىلشىسى بولعان ۋاقىتىندا، ءوڭىر ومىرىندەگى وزەكتى جايلاردى قاز-قالپىندا بايانداپ، تالاي تاعدىرعا اراشا ءتۇستى. سونىمەن بىرگە استىقتى ايماقتاعى تىڭ باستامالار، ەل مەرەيىن تاسىتقان جا­عىمدى جاڭالىقتار ىزدەنىمپاز ءتىلشىنىڭ قالا­مىنان تىس قالعان جوق. قارىمدى قالامگەر باسپاسوزدەگى ماقالالارىمەن شەك­تەلىپ قال­ماي، اۋدارما ىسىمەن دە اينالىستى.

الماتى قالالىق ارداگەرلەر كەڭەسىنىڭ تورالقا مۇشەسى رەتىندە  قوعامدىق جۇمىستان ءالى دە قول ۇزبەگەن حاميت ءبىرجان ۇلى ۇلت ءباس­­­پاسوزىنىڭ جاناشىرى. توقساننىڭ تو­رىن­دەگى ارداگەر مەملەكەتتىڭ قوعامدىق-سايا­سي ومىرىندەگى جاڭا بەتبۇرىستاردى ءباسپاسوز ارقىلى تانىپ-ءبىلىپ وتىراتىنىن ايتىپ، «ەگەمەن قازاقستان» گازەتىنىڭ باسشىسىنا ريزاشىلىعىن ءبىلدىردى.

 

الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار