وسك رەفەرەندۋمعا 18 جاسقا تولعان جانە بەلسەندى سايلاۋ قۇقىعىنا يە قازاقستان رەسپۋبليكاسىنىڭ ازاماتى 5 ماۋسىمعا تاعايىندالعان قازاقستان رەسپۋبليكاسىنىڭ كونستيتۋتسياسىنا تۇزەتۋلەر بويىنشا رەسپۋبليكالىق رەفەرەندۋمعا قاتىسا الاتىنىن اتاپ ءوتتى.
ء«سىزدىڭ رەسپۋبليكالىق رەفەرەندۋمعا قاتىسۋ قۇقىعى بار ازاماتتاردىڭ تىزىمدەرىنە ەنگىزىلۋىڭىز رەفەرەندۋمعا قاتىسۋ كونستيتۋتسيالىق قۇقىعىڭىزدىڭ ىسكە اسىرىلۋ كەپىلى بولىپ تابىلادى. جەرگىلىكتى اتقارۋشى ورگاندار (اكىمدىكتەر) تىزىمدەردى ءسىزدىڭ داۋىس بەرۋگە ارنالعان ناقتى ۋچاسكەنىڭ اۋماعىنداعى تۇرعىلىقتى جەرىڭىز بويىنشا تۇراقتى تىركەلۋىڭىزدىڭ نەگىزىندە جاسايدى. ۋاقىتشا تىركەلگەن ازاماتتار تىزىمدەرگە بەرىلگەن ءوتىنىش نەگىزىندە ەنگىزىلەدى», دەلىنگەن ۇندەۋدە.
داۋىس بەرۋگە ارنالعان ۋچاسكەلەر ءتيىستى اكىمدەردىڭ شەشىمدەرىمەن قۇرىلادى, ولاردىڭ شەكارالارى بۇقارالىق اقپارات قۇرالدارىندا جاريالانادى.
ء«وز ۋچاسكەڭىزدى ءبىلىپ, تىزىمگە ەنگىزىلگەنىڭىزدى ءسىز جەرگىلىكتى اتقارۋشى ورگانعا حابارلاسىپ, تەكسەرە الاسىز. تىزىمدە بولماعان جاعدايدا, ءسىز اكىمدىككە ءتيىستى ءوتىنىش بەرۋگە قۇقىلىسىز», دەيدى وسك.
20 مامىردان باستاپ سايلاۋ ۋچاسكەسىندە رەسپۋبليكالىق رەفەرەندۋمعا قاتىسۋ قۇقىعى بار ازاماتتار تىزىمىنەن ءوزى تۋرالى دەرەكتەردى تەكسەرە الادى.
قانداي دا ءبىر وزگەرىستەر ەنگىزۋ قاجەت بولسا, دەرەۋ ۋچاسكەلىك رەفەرەندۋم كوميسسياسىنا جۇگىنۋ قاجەت.
