سونىمەن قاتار ءاليحان سمايىلوۆ ناۋرىز ايىندا اپات بولعان جىلۋ ەلەكتر ورتالىعىنا سوعىپ, جۇمىس جوسپارىن سۇراپ ءبىلدى. قازىرگى تاڭدا كاسىپورىننىڭ 6 قازاندىعىن جوندەۋگە 8 ملرد تەڭگەگە جۋىق قارجى بولىنگەن. ال قۇلاعان مۇرجاعا ساراپتاما جاسالىپ جاتىر. ساپار بارىسىندا «جوندەۋ جۇمىستارى ساپالى ءارى ۋاقىتىندا اياقتالۋى كەرەك. جىلۋ ەلەكتر ورتالىعى ىركىلىكسىز جۇمىس ىستەۋى ءتيىس. ءبىرىنشى مۇرجانى قالپىنا كەلتىرۋ بارىسى دا نازاردان تىس قالماسىن. بۇل رەتتە مەملەكەتتىك ساراپتامادان ءوتۋدى تەزدەتۋدى تاپسىرامىن», دەدى پرەمەر-مينيستر.
