«تۇرعىن ءۇي باعاسى ءوسىپ كەلەدى. باعانىڭ تومەندەۋى 2016 جىلى عانا تىركەلدى. ول كەزدە جاڭا تۇرعىن ءۇي 3,6%-عا ارزاندادى. 2017 جىلى قايتا ساتۋ نارىعىنداعى شارشى مەتردىڭ باعاسى 1,6%-عا تومەندەدى», دەلىنگەن قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتىندە.
وتكەن جىلعى ءساۋىر مەن بيىلعى جىلعى ءساۋىر ارالىعىندا پاتەرلەردى قايتا ساتۋ باعاسى – 27,7%, جاڭا تۇرعىن ۇيلەردى ساتۋ قۇنى 20,3% قىمباتتادى. ال اباتتاندىرىلعان باسپانانى جالعا الۋ تولەمى 22,2% كوتەرىلدى.
ءبىر ايدىڭ ىشىندە قايتا ساتۋعا قويىلعان باسپانا قۇنى 1,8% ءوسىپ, شارشى مەترىنە 459 137 تەڭگەنى قۇرادى.
جاڭا تۇرعىن ءۇيدى ساتۋ جانە اباتتاندىرىلعان تۇرعىن ءۇيدى جالعا الۋ تولەمى ساۋىردە 0,8% جوعارىلادى.
