اتالعان ءبىلىم ورداسىندا 2004 جىلدان بەرى عىلىمي-تاجىريبەلىك ورتالىق جۇمىسىن جالعاستىرۋدا. ء«ماشھۇرتانۋ» ءپانى دە ەنگىزىلگەن. وسى ۋاقىتقا دەيىن م.ج.كوپەەۆتىڭ شىعارمالارى مەن ەنتسيكلوپەديالارىنىڭ 20 تومدىعى جارىق كوردى. بالالارعا ارنالعان يلليۋستراتسيالىق اڭگىمەلەر جيناعى دا وقىرمانعا جول تارتتى. قازىرگى ۋاقىتتا ورىس تىلىندەگى ءۇش تومدىق ازىرلەنىپ جاتىر ەكەن. ونىڭ قۇرامىندا بۇعان دەيىن جاريا بولماعان شىعارمالارى ەنگىزىلمەك.
ر.ب.سۇلەيمەنوۆ اتىنداعى شىعىستانۋ ينستيتۋتى تاريحي ماتەريالداردى زەرتتەۋ رەسپۋبليكالىق اقپاراتتىق ورتالىعىنىڭ ديرەكتورى مەرۋەرت ابۋسەيىتوۆا ماشەكەڭ تاريحتى شەجىرە ارقىلى جەتكىزگەنىن اتاپ ءوتتى. ء«ماشھۇر ءجۇسىپتىڭ جازبا ءداستۇرى بىرەگەي ءارى وزگە اۋىزشا تاريح جيناۋشىلارىنا ۇقسامايدى. ول «دالا تاريحى» باعىتىنىڭ نەگىزىن قالاۋشى», دەدى تاريح عىلىمدارىنىڭ دوكتورى.
ءبىلىم جانە عىلىم مينيسترلىگى جانىنداعى ءدىنتانۋ, ساياساتتانۋ جانە فيلوسوفيا ينستيتۋتىنىڭ باس عىلىمي قىزمەتكەرى اياجان ساعيقىزىنىڭ ايتۋىنشا, ءماشھۇر ءجۇسىپتىڭ مۇراسى رۋحاني بولاشاققا باعىتتايدى. «ويشىلدىڭ مۇراسى ءار ادام ءوز حالقىن, ءداستۇرىن, ۇرپاقتارىن قۇرمەتتەپ, ءسۇيىپ ءومىر ءسۇرۋ كەرەك دەيدى. بۇل ومىرلىك قاعيداتتار ادام تۇرمىسىنىڭ ماعىناسىن انىقتاۋعا كومەكتەسەدى. بىراق ءماشھۇر ءجۇسىپتىڭ نەگىزگى يدەياسى بولاشاققا اپارار جول تۋعان جەر, ادامدارعا دەگەن سۇيىسپەنشىلىك ارقىلى جەتەدى دەگەن پىكىرگە سايادى», دەيدى فيلوسوفيا عىلىمدارىنىڭ دوكتورى.
پاۆلودار وبلىسى
