عاسىرعا جۋىق عۇمىرىندا قازاق ەلىنىڭ باسىنا كەلگەن ناۋبەتتەردىڭ بارىنەن امان وتكەن ابىز قاريانىڭ ۇرپاققا ايتار ونەگەلى اڭگىمەسى مول. بۇل رەتتە جاسى 97-گە كەلگەن ءوزىن قورشاي وتىرعاندار التى-توعىز جاسار بالدىرعاندارمەن سويلەسىپ, اقىل-كەڭەسىن ايتتى.
كوپشىلىك نازارىنا اتالعان كلۋبتىڭ تالىمگەرى گۇلزيا اۋقاشوۆا عىلىم عانا ەمەس, سوعىس جانە ەڭبەك ارداگەرىنىڭ قايتالانباس عۇمىرناماسىن تاربيەلەنۋشىلەرگە بايانداپ بەردى.
ء«بىزدىڭ حالقىمىز – الەمدەگى ەڭ ومىرشەڭ, ويشىل دا وزىق حالىق. ولاردىڭ بۇكىل دۇنيەتانىمى, سالتى, ءداستۇرى, ۇستانىمى, تىنىس-تىرشىلىگى – فيلوسوفيا. سەندەردىڭ وسىنداي كلۋبتا وزدەرىڭنىڭ اجەلەرىڭدەي ۇستاز-تالىمگەرلەردەن ءتالىم الىپ جاتقاندارىڭنىڭ ءوزى ۇلتتىق سانانىڭ, ۇلتتىق فيلوسوفيانىڭ جەمىسى», دەدى ابىز.
ءوز كەزەگىندە بالدىرعاندار دا جامىراي سۇراقتارىن قويدى. بۇعان تۇشىمدى جاۋاپ العان وقۋشىلار ءدان ريزا. سونداي-اق ولار ۇستازدارىنا قوسىلىپ ءان شىرقاپ, كۇي شەرتتى.
كەزدەسۋ سوڭىندا كلۋب تاربيەلەنۋشىلەرى وزدەرىنىڭ بولاشاقتا كىم بولاتىنى, قانداي ماماندىقتى, كاسىپتى قالايتىنىن كەزەك-كەزەك ورىندارىنان تۇرىپ اتاپ شىقتى دا, اقساقالدان باتا سۇرادى.
قىزىر سيپاتتى قوناعىمىز ايتقانداي, ەندى ءبىر جيىرما جىلدان كەيىن ەل مەن جەردىڭ ءبىر-ءبىر تۇلعاسى بولاتىن بالدىرعانداردىڭ ءجۇزى بال-بۇل جانىپ, ەستەلىك سۋرەتكە تۇستكەننەن كەيىن, عاسىر اتاسىن شىعارىپ سالدى.
گۇلنار كەنجەعۇلقىزى,
الماتى قالالىق «شىڭعا ورلەۋ» الەۋمەتتىك كلۋبىنىڭ جەتىسۋ ءبولىمىنىڭ مەڭگەرۋشىسى
