باسىمدىقتا – وبلىس ورتالىعىن جانە ءوڭىردىڭ ءىرى ەلدى مەكەندەرىن «باتىس ەۋروپا-باتىس قىتاي» اۆتوموبيل دالىزىمەن جالعايتىن تۋريستىك باعىتتاعى جولدار.
اتاپ ايتقاندا, تۇركىستان-ءشاۋىلدىر جولىنىڭ 35 شاقىرىمى مەن كەنتاۋ جاعىنان تۇركىستان قالاسىنا كىرە بەرىس جولدىڭ 24 شاقىرىمى قايتا جوندەۋدەن ءوتتى. سونداي-اق شورناق, مايدانتال, جۇينەك جانە قارناقتى مەكەندەرىن وبلىس ورتالىعىمەن جالعايتىن 100 كم-گە جوندەۋ جۇمىستارى جۇرگىزىلەدى.
كەلەسى جىلدىڭ باسىندا تولەبي اۋدانىنىڭ قاسقاسۋ جانە بىرق ۇلىق ەلدى مەكەندەرىندەگى تۋريستىك نىساندارعا باراتىن 18 كم جول تولىق جوندەلىپ, پايدالانۋعا بەرىلەدى. تۇلكىباس اۋدانىندا كەلتەماشات, داۋبابا, ساستوبە, شۇقىربۇلاق جانە مايتوبە باعىتىندا 69 كم كۇردەلى جانە ورتاشا جوندەۋ جۇرگىزىلىپ جاتىر. قازىعۇرت اۋدانىندا تۇربات جانە قاقپاق اۋىلدىق وكرۋگتەرىن «بە-بق» كولىك دالىزىمەن جالعايتىن 39 كم ورتاشا جوندەۋ جۇرگىزىلىپ جاتىر», دەلىنگەن حابارلامادا.
بۇدان باسقا, ورداباسى اۋدانىنداعى «بە-بق» كولىك دالىزدەرىن بادام, شۇبار, قاينار, ۇيالى جانە تەسپە ەلدى مەكەندەرىمەن بايلانىستىراتىن 53 كم جولدىڭ اسفالت جابىنى جاڭارتىلۋدا.
بارلىق جۇمىس بەكىتىلگەن وندىرىستىك-جۇمىس كەستەسىنە سايكەس جۇرگىزىلەدى. جۇمىس ساپاسى «جول اكتيۆتەرى ساپاسىنىڭ ۇلتتىق ورتالىعى» رمك مەن تاپسىرىس بەرۋشى – «وڭتۇستىك جولدار» مكك-نىڭ تۇراقتى باقىلاۋىندا.
كورسەتىلگەن جۇمىستاردىڭ ناتيجەسىندە تۇركىستان وبلىسىندا نورماتيۆتىك جاعدايداعى جەرگىلىكتى ماڭىزى بار اۆتوجولداردىڭ ۇلەسى 87-دەن 92% - عا دەيىن وسەدى.
