قازىبەك نوگەربەكتىڭ بولەك, الەم چەمپيوناتىندا 18 جاسقا دەيىنگى قىزدار اراسىنداعى جارىستا سىنعا تۇسكەن 17 جاستاعى وتانداسىمىز, ايەلدەر اراسىنداعى حالىقارالىق شەبەر نازەركە نۇرعالي دا توپ جاردى. ال 14 جاسقا دەيىنگى ۇلدار اراسىنداعى راپيد جارىسىندا قولا جۇلدەگەر اتانعان دانيال ساپەنوۆ بليتس سايىسىندا كۇمىس جۇلدەگە قول جەتكىزدى.
«بۇگىن قازاقستاندىق شاحماتشىلار ءۇشىن ايتۋلى كۇن. گرەكياداعى الەم چەمپيوناتىندا سپورتشىلارىمىز ەل قورجىنىنا ءۇش التىن, ءبىر كۇمىس جانە ءبىر قولا مەدال سالدى. قازاقستان شاحمات فەدەراتسياسىنىڭ اتىنان شاحماتشىلارىمىزدى جانە ولاردىڭ جاتتىقتىرۋشىلارىن, اتا-انالارىن تاماشا جەتىستىكتەرىمەن قۇتتىقتايمىز», دەدى قازاقستان شاحمات فەدەراتسياسىنىڭ اتقارۋشى ديرەكتورى ءانۋار ەسماعامبەتوۆ.
