ونەر • 05 مامىر، 2022

اققۋ جۇرەك اقىن

39 رەت كورسەتىلدى

ەلورداداعى «استانا» كونتسەرت زالىندا نۇر-سۇلتان قالاسى اكىمدىگىنىڭ قولداۋىمەن بەلگىلى اقىن، قازاقستاننىڭ مادەنيەت قايراتكەرى مارفۋعا بەكتەمىروۆانى ەسكە الۋعا ارنالعان «اققۋىم مەنىڭ، قايداسىڭ؟» اتتى ادەبي مۋزىكالىق كەش ءوتتى.

الدىمەن كەشكە جينالعان قاۋىمعا پارلامەنت سەناتىنىڭ توراعاسى ماۋلەن اشىمباەۆ­تىڭ تالانتتى اقىن شىعارماشى­لى­عى تۋرالى جىلى ءىلتيپاتىن بىلدىرگەن حاتىن سەنات سپيكەرىنىڭ كەڭەسشىسى، جۋرناليست بيبىگۇل جەكسەنباي وقىپ بەردى.

– قازاق – قاشاندا اقىنعا قۇرمەت كورسەتكەن، قالامگەردى قادىر تۇتقان حالىق. ۇلتتىق پوە­زيانىڭ كورنەكتى وكىلى، قازاق­تىڭ اققۋ جۇرەك اقىنى مار­فۋعا بەكتەمىروۆانى ەسكە الۋعا ارنالعان بۇگىنگى ءىس-شارا – سونىڭ جارقىن كورىنىسى. مارفۋعا بەكتەمىروۆا – بۇكىل عۇمىرىن شىعارماشىلىققا ارناعان، ادە­بيەتىمىزدە ءوزىنىڭ دارا ءىزىن قال­دىرعان قالامگەر. ونىڭ ءار جولىنان نازىكتىك پەن سەزىمنىڭ لەبى ەسىپ تۇراتىن ولەڭدەرى وقىر­مان قاۋىمدى قاشاندا ەرەكشە اسەر­گە بولەيدى. مارفۋعا اپا­مىز­­دىڭ ءتارجىما سالاسىنداعى ەڭبەك­تە­رى دە ءوز الدىنا ءبىر توبە. جۋر­ناليستيكادا جاۋاپتى قىز­مەت اتقارىپ، بۇل باعىتتا دا وزىن­دىك قولتاڭباسىمەن تانىلدى. اقىن­نىڭ سوڭىندا قالعان مول مۇرا­سىن ناسيحاتتاۋ قاشاندا ما­ڭىزدى. سوندىقتان مارفۋعا بەك­تەمىروۆانىڭ ەسىمى مەن شىعار­ماشىلىعىن دارىپتەۋگە ارنالعان بۇگىنگىدەي كەشتەردىڭ وسكەلەڭ ۇرپاققا بەرەرى مول، – دەلىنگەن سەنات توراعاسىنىڭ حاتىندا.

ودان كەيىن ءسوز العان قالام­گەر، ۇلتتىق عىلىم اكادەمياسى­نىڭ اكادەميگى ءۋاليحان قالي­جان، بەلگىلى ساتيريك، حالىق­ارالىق «الاش» ادەبي سىي­لى­عىنىڭ لاۋرەاتى كوپەن امىر­­بەك ايتۋلى اقىن تۋرالى تاعى­لىمدى ەستەلىكتەرىمەن بولىس­سە، ل.ن.گۋميلەۆ اتىنداعى ەۋرا­زيا ۇلتتىق ۋنيۆەرسيتەتى جۋر­­نا­ليستيكا جانە ساياساتتانۋ فا­كۋلتەتى دەكانىنىڭ ورىنباسارى گۇلجاۋھار بولاتوۆا وسىدان ەكى جىل بۇرىن اتالعان فاكۋلتەتتىڭ ءبىر تۇلەگى فيلولوگيا عىلىمدارىنىڭ دوكتورى، پروفەسسور ساۋلە تاپانوۆانىڭ جەتەكشىلىگىمەن «مارفۋعا بەكتە­مىروۆا − رەداكتور، جۋرناليست، پۋبليتسيست» دەگەن تاقىرىپتا ­ديپ­لوم جۇمىسىن قورعاپ، جو­عا­رى باعا العاندىعىن ءسوز ەتتى.

ادەبي-سازدى كەش بارىسىن­دا استانالىق فيلارمونيا ان­شى­لەرى ديانا ماي، اقبوتا قۇس­­­نادين، اكىمحان ماجەنوۆ، سالتانات سەركەباەۆا اقىننىڭ سوزىنە جازىلعان بىرقاتار ءان­دى ورىنداپ، تىڭدارماندارىن ادەمى سەزىمگە بولەدى. سونداي-اق مۋزىكالىق جاس كورەرمەن تەاترىنىڭ ارتىستەرى دە سىرشىل شايىردىڭ ولەڭدەرىن وقىپ، تەاترلاندىرىلعان قو­يى­­لىم قويدى. ال كەشتى مار­فۋعا بەكتەمىروۆانىڭ جارى، قا­­­لامگەر ەسەنگەلدى ءسۇيىنوۆ قو­رى­­تىندىلاپ، جينالعان جۇرت­­شىلىققا ريزاشىلىعىن ءبىل­دىردى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار